Xarpêt – Dayîka yew kadroyanê pêşeng ê Têgêrayîşê Azadî ya Kurdî Sakîne Karakoçane Havva Selvî Tepe cuya xo ra bîye, ewro Dep de ameya oxirkerdene.
Dayîka yew kadaroyanê pêşeng ê Têgêrayîşê Azadî ya Kurdî Sakîne Karakoçan (Gonul Tepe) Havva Selvî Tepe (97) ke Balikkesîr de ameyene tedawîkerdene, cuya xo ra bîye. Cenazaya Havva Selvî Tepe ewro hetê rayberanê Têgêrayîşê Cinîyanê Azadan (TJA), Partîya Herêman a Demokratîkan (DBP), Partîya Têduştî û Demokrasî ya Şaran (DEM Partî) û hetê parlamenteran ra ameya pêşwazîkerdene. Cenazaya Havva Selvî Tepe badê merasimê cemxaneyî dewa Delikan a qezaya Depî ya Xarpêtî de ameya definkerdene. Xeylê temsîlkarê partîyanê sîyasî û sazgehan tewrê merasimê cenaza bîyî.
Cenazaya Havva Selvî Tepe, mezelanê dewe de ameye definkerdene
‘Bîyê kemerê azadî yê bingeyînî’
Sîyasetmedara Kurdî Gultan Kişanak merasimê definkerdişî de qisey kerd û nê çîyî ardî ziwan: “Ma dayîka xo oxirê dinyaya heqîqetî kenê. Zerrî watêne ke bê kêmanî ma dayîka xo oxir bikerdêne. Labelê berdêlê ke na cografya û şarî dayê, dayîka ma zî ciwîyaya. Bi hesrete koç kerd. Canê ma Sakine tîya nîya. Berpirsîyarîya aye û waştena aye ya xatirwaştişî berpirsîyarîya ma ya. Dayîka ma kemerê bingeyîn yê nê têkoşînî bîya. Bîya kemera bingeyîn ê heq, azadî, cigêrayîşê heqîqetî. Oxir bo.”
Do şîn cemxaneyê dewe de bêro ronayene.
