Dayîkêka Dêrsimije ke seba ke ciwanî ziwanê xo qisey bikê şîretî kena, va: “Ez ziwanê ma musnena çêl û çûkê xo. Ziwanê ma ke şî endî destê ma de tawa nêmaneno ke. Na tirkî de çi est o!?”
Dayîke ciwanan rê şîret kena ke ziwanê xo de qisey bikê û bidê qiseykerdene. Dayîke bi zerrîyêka dejine venga şarê Dersimijî û şarê kirmancî dana û vana ke: “Kes ziwanê ma xo vîrî ra mekero. Na tirkî de çi est o. Şar çitorî ziwanê xo xo vîrî ra nêkeno. Ziwanê ma xo vîrî ra kenê. Şarê Dêrsimî ra henî vana ke ziwanê xo xo vîr ra mekerê. Her kes ziwanê xo qesî bikero. Vazdanê tirkî. Wîî wa ziwanê ma ma vîrî ra nêşêro. Ez ziwanê ma musnena çêl û çûkê xo. Ziwanê ma ke şî endî destê ma de tawa nêmaneno ke. Ma maya xo ra bîme ziwanê xo qesî kerdêne, hetanî ke merdîme ziwanê xo qesî kenîme. Wîî, ya Heq, ya Heq, ya Heq. Bitti gitti. Wallahî zonê ma rê ez berbena, berbena. Qey ziwanê xo xo vîr ra bikeme. Tirkî çitorîyo ke ziwanê xo xo vîrî ra nêkenê. Ju kirmancîya ma ma deste menda, wako bîn çi mendo.”
