Rojnameger Îsmaîl Çoban peynî 6 serrê û 9 aşman hepisxaneyî ra ame serbest veradayîş.
Îsmaîl Çoban seba xebatê xo yê rojnamegerîye ameybî hepskerdiş. Îsmaîl Çoban Hepisxaneyê Tîpa L a Turkogluyê Mereşî ra ame serbest veradayîş. Keyeyê ci û temsîlkarê Komeleya Rojnamegerê Dîcle Firatî (DFG) verê hepisxaneyî ci pêşwazî kerdê û ci rê vilekê dayê.
Îsmaîl Çoban qiseyêko kilm kerd û wina va: “Hêrişê ser Çapemenîya Azade, ewro şênber ver çiman de yo. Bi nê hêrişan wazenê ser heqîqetî bigêrî. No zilm nêeşkeno ma rayîrê xo ra biqetîno. Netîceyê ci çi beno wa bibo, ma bêrê kiştiş û hepskerdiş zî ma do her dem vengê heqîqetî berz bikerê.”
DFBî zî ser hesabê xo yê medya dîjîtalî de serbest veradayîşê Îsmaîl Çobanî ser o malûmat da û fotografê ci pare kerd.
