Fûarê Amedî yê Kitabî dewam keno, Fûarî de tena 26 tenê weşanxaneyê Kurdî estê. Nuştox Haci Ozkal telûkeya ser ziwanê Kurdî vat ke ganî xilasbîyayişê ziwanê Kurdî de ciwanî rol bigê ser xo
Fûarê Amedî yê Kitabî ra elaqayêko gird esto çi heyfo ke fûar de hûmara weşanxaneyê Kurdî zaf bi kêmî yo û elaqayê wendoxan zî weşanxaneyê Kurdî ra kêm o. Nuştox Haci Ozkal telukeya ser ziwanê Kurdî û elaqayê wendoxan ê ser kitabê Kurdî qise kerd.
Nuştox Haci Ozkal vat ke Fuarî ra elaqa xususî rojê hewteyê peynî esto, mîyanê hewteyî elaqa tikey o, seba ke debara înan înan kewto û no ser nêeşkenê pere xerc bikerê û wina vat: “Tekûtûk kitab roşîyenê, rewş weş nîya. Çiheyfo ke ziwanî ra gede û tutî elaqa nîşan nêdonê û no ser zî ziwan zî qedîyeno. Standê Tirkî ra elaqa hîna bi zaf o. Kitabê Kurmancî û Kirmanckî elaqa kêm o. Na rewşe zî seba ziwanî telukeyêka gird a.”
Wendişê kitabî merdim avêr beno
Ozkal derheqê hêrişê polîsan ê Weşanxaneyê Aramî de wina vat: “Demo ke yew kitab nusîya, ez telukeyêk nêvînena. Ma hetanî nika zafêr kitab wendê, ma zirarê kesî nêdayê û yanî wendişê kitabî ra çew zirar nêvîneno. Heta bi wendişî merdim eşkeno vernîya xo hîna bi weş bivîno û têkilîyê însanî, însanan de hîna weş bena.”
Gedeyê xo reyde Kurdî qal bikê
Ozkal wina qedîna: “Ganî may û pîyan doman/gedeyê xo reyde qise bikerê û xeyalanê înan de zî ziwanî bixemilînê. Xo ra doman demo ke destpê dibistan û ya zî kuçe bikewo, êdî nêagêreno ziwanê xo ra, çimkî êdî rûh û mezgê ey fetîh bîyo, serdestî, xo rûhê gedeyî de xo awan kerdo, no ser doman xêr nêvîneno. Wa kura de bibo her kes wa gede û domanê xo reyde ziwanê xo reyde qal bikero. Xo ra demo ke şî dibistan doman uca de Tirkî bonder beno. Ez ciwanan ra wasîyêk keno, wa xilasbîyayişê ziwanê Kurdî de rol bigê xo ser, eke wina nêbo ko qetilbîyayişê ziwanî de zî bar bigê ser xo.
