Çimeyê Munzurî ke Cayê Sît yê Dereca 2. bîyê reyna sey Cayê Sît yê Xozayî yê Dereca 1. ameyê îlankerdene.
Çimeyê Munzurî ke Qezaya Pulurî (Ovacik) ya Dêrsimî de yê, 2003 de sey Cayê Sît yê Xozayî yê Dereca 1. (Cayo ke ganî teqez bêro pawitene) ameybî îlankerdene. La Wezaretê Dorûver û Şaristanawanîye û Îklîmî bi qerarêk 28ê temmuze 2023î de Cayê Sît yê Xozayî yê Dereca 1. ra kerd Cayê Sît yê Xozayî yê Dereca 2. Vera naye ra hetê Yewîya Odayî yê Muhendis û Mîmaranê Tirkîya yê Şûbeya Dêrsimî ya (TMMOB) Dadgeha Îdarî ya Erzînganî de seba îptalkerdişê qerarê Wezaretê Derûdor û Şaristanawanî û Îklîmî dewa ameye akerdene. Çarçewaya dewayî de 1ê teşrîne 2024î de herême de keşif ame kerdene. Hema raporê keşfî nêvejîyayo.
Bi Qerarnameyê Serekomarîye Çimeyê Munzurî reyna sey Cayê Sît yê Xozayî yê Dereca 1. ameyê îlankerdene. Qerar, hûmara ewroyine ya Rojnameyê Fermî de ame weşanayene.
