Bi pêşengîya Komîsyonê Ziwan, Kultur û Hunerî yê DEM Partîye û ZarokMa, çarçiweya Roşanê Ziwanê Kurdkî de, Çewlîg de seba gedeyan şayîyak ame viraştiş. Şayî de gedeyî bi ziwanê xo yê dayîke hem deyîr vatî hem zî kay kerdî.
Bi pêşengîya Komîsyonê Ziwan, Kultur û Hunerî yê DEM Partîye û ZarokMa, çarçiweya Roşanê Ziwanê Kurdkî de, Çewlîg de seba gedeyan şayîyak ame viraştiş. Şayî ra Hemverfeka Komîsyonê Ziwan, Kultur û Hunerî yê DEM Partîye Cemîle Turhalli, rayedaranê rêxistina DEM Partî ya Çewlîgî, perwerdekaranê MA Musîcî û xeylî gedeyî bi keyeyanê xo beşdar bîyê.
Atolyeya ‘Gerok’: Gedeyî bi ziwanê xo kêfweş bîyî
Çarçiweya şayî de gedeyî resmanê heywanan bi boyaxî xêz kerdî. Dima zî gedeyan ra hacetanê muzîkî ameyî vilakerdiş û gedeyî zî deyranê zazakî û kurmancî vatî. Şayî de Koma ZarokMa zî gedeyan ra kitabê kurdkî xela kerdî.
Wa gedeyî bi ziwanê xo pîl bibî
Şayî ser o Hemverfeka Komîsyonê Ziwan, Kultur û Hunerî yê DEM Partîye Cemîle Turhalli wina va: “Çalakîya Çewlîgî semedê gedeyan zaf erje û pîroz ravîyarna. Çi weş o ke gedeyê ma bi ziwanê xo pîl benê, şa benê. Ma do seba gedeyan xebatanê xo şaristan-şaristan, qeza-qeza hetta dew bi dewe dewam bikerê û cuyêka bi ziwanê dayike awan bikerê. Wa gedeyî bi ziwanê xo yê dayîke pîl bibî.”
