Çeteyê HTŞ û SMO’yî ke hêrişê Rojava kenê na rey zî başûrê Çilaxayî ra genim tirawenê.
Vîdeoyanê de ke medyaya dîjîtal ser o vila benê, dîyar beno ke grûbanê çeteyan depoyanê dexl ê başûrê Til Elo yê başûrê Çilaxayî yê kantonê Cizîrî talan kerdê û genimo ke tede yo, tirawenê.
Goreyê vîdeoyan nê grûbî bi kamyonan genim tirawenê û transferê ê cayan kenê ke binê kontrolê înan de yê. Çimeyan dîyar kerd ke no suc bi serûber ameyo kerdene û tirawitişî ra pey heme çî talan kerdo û rijnayo.
Çimeyanê herême dewamê nê kerdişan ser o hîşyarî daye ke rasterast genimê welatijan û ewleyîya xidayan tehdît kenê û waştişê hesabpersayîşê sucdaran ame kerdene.
