Gola Çalyanî bi peyzajê xo yê bêkêmî ya sey kartpostalî, ewro hedefê polîtîkayanê rijnayîşê xozaya ke hetê şaredarîyanê AKP’yî ra binê nameyê “xizmetî” de yena kerdiş. Festîvalê geşî yê ke dorê gole yenê kerdiş, benê sebebê wêrankerdişê ekolojîkî yê bêaçarnayîş.
Goreyê xebera Jinnewsî Gola Çalyanî yew ecêbê xozayî yê herî destnedayî yê Kurdistanî ya, gewherêk bêveng a ke berzîya bi hezaran metreyan serê sînorê Wanî û Şirnexî de nimite ya. Bi awa xo ya qeşayî, rîyê xo yê zelal ke temamê hamnanî de serdê xo pawena û koyê berzî yê dorê xo şibîyena kartpostalêk.
Na gola qeşayî ke bi berzîya xo ya 3 hezar metreyî zêdeyêr hema hema cîranê hewran a, bi awanê xo yê ke nîmeyê hamnanî de zî serdbîyayîşê xo pawena, qilê xo yê bi vewre yê dorê xo û cuya kovî rê dîmenêk boydayîşî pêşkêş kena.
Qaşo xizmetê polîtîkayan
Serrê peyînan de polîtîkayê qaşo “xizmetguzarî” yê ke hetê şaredarîyanê AKP’yî ra yenê kerdiş, serê nê ekosîstemê bêdestûr rijnayîşêk bêagêrayîş danê destpêkerdiş. Rayîr bê erjnayîşê tesîrê derûdorî ameyê kerdiş, wesayîtê motorî bêhemdî kewtê herêma gole, hîrakerdişê rayîranê berzî bi îşxalkerdişê înan yê bi kerreyan, rayîrê peyatî bi gûçan ameyê vurnayîş, rayîrê ke xoza dir ê pê ame nîyê… Çopê ke qeraxê gole de ameyê verdayîş, wareyê heywanan yê kêmî û çimeyê ke gole wey kenê lêşin kerdê.
Pêrodayîşî dest pêkerdê
Pêwa ke helênayîşê cemedê qeşayî, vurnayîşê germayî û destveradayîşê merdiman, îklîmê gole xira keno; çop, plastîk û dûman zî dest pêkenê ke vîrê kulturî yê dewijê kurdî yê ke xoza dir mîyanê ahengêke de ciwîyenê, tira berê. Gola Çalyanî ke bi bedewîya xo ya xozayî yena zanayîş, semedê têgêrayîşê bêhişmendî bi rijnayîşî ekolojîkî şina.
Wêranîyêke bêveng
Beno ke rîyê Gola Çalyan hema zî zelal biaso. La binê wêrankerdişêk bêveng o hemverê xoza est o. Na tena hîkayeya wêrankerdişê golêke nîya, eynî wextî de têkiliyê merdiman xozaye dir a zî.
