TFF’yî Kaybazê Amedsporî Çekdar Orhan erşawit Komîteya Dîsîplînî ya Futbolê Profesyonelî (PFDK). No erşawitişê cipersayîşî bi îdîaya “propagandaya îdeolojîke” ame kerdene.
Seba ke bale bianco kampanyaya apeydayîşê gêsan ser o, Amedsporî hesabanê xo yê medyaya dîjîtale de parekerdişêk kerdbî û seba naye 27ê çeleyî de Amedspor erşawiyabî PFDK. PFDK’yî bi sebebê ‘eşkerayîyê ke rûmetê futbolî û sazîyanê ey xirab kenê û propagandaya îdeolojîke’ 802.500 TL cezaya pereyan birnaye Amedsporî rê û sewbîna 15 rojî cezaya mehrumiyetê heqan daye Serekê Klûbî Nahît Erenî.
Hewteyo ke vîyart maçê mabênê Amedspor û Adana Demîrsporî de zî kaybazê Amedsporî Çekdar Orhan badê ke gol eşt, beşdarê çalakîya apeydayîşê porî bî. TFF’yî reyna seba na çalakîye Çekdar Orhanî bi îdîaya “propagandaya îdeolojîke” erşawit PFDK’yî.
