DEM Partî verba welatijê ke beşdarî boykotê zayîkerdişî bîyî de wendişê gef û destbendkerdişî ser o beyanato nuşteyî da û DEM Partî dîyar kerd ke boykotê zayîkerdişî dinya de heqêko tewro meşrû yo.
2ê Nîsane, pêroyîya Tirkîya de boykotê zayîkerdişî ame kerdene la belê çi heyfo ke Hukmatê AKP’î verba welatij, hunermend û şuxulkerê medyaya sosyalî de dest polîtîkayê destbendkerdiş û gefî da destpêkerdene. DEM Partî verba polîtîkayê wendişê gefî de beyanato nuşteyî da.
Beyanatê DEM Partîye wina yo:
“Nika çalakîyêka demokratike yena kerdena, çarçiweya na çalaki de zî 2ê Nîsane boykotê zayîkerdişî ame kerdene. Na boykotî ra zaf hûmarî de rojnameger, hunermend, şuxulkerê medyaya sosyalî û welatijî beşdar bîyê. Çi heyfo ke kesê ke beşdarî boykotî bîyê, nika yenê hedefgirewtinî, destbendkerdene û heqê înan de cipersayîş yeno akerdene. Hetta kaykerdoxê rêzefîlmî kadro ra yenê vetene û hesabê medyaya sosyali zî yenê astengkerdişî.
Bi aşkera no nêzdîbîyayîş nîno qebulkerdene, çimkî no nêzdîbîyayîş mudaxaleyê heq û çalakîyê demokratîke yo. Boykotê zayîkerdişî dinya de heqêko tewro meşrû yo. No ser zî ganî verba hunermend û welatijan de fek gefan ra bêro veradeyene!”
