Amed – Şaredarîya Bismilî, Fabrîkaya Nanê Şarî ke do rojê de 10 hezar nan bêro pewtiş, bi merasîmêk akerd.
Şaredarîya Bismilî ya ke binê rayberîya DEM Partî de ya, Fabrîkaya Nanê Şarî ke do rojê de 10 hezar nan bêro pewtiş, bi merasîmêk akerd.
Hemşaredara Bismilî Mizgîn Ekîne verê merasîmî vernîya fabrîkaye de qisey kerd û wina vat: “Amancê ma no yo ke bi ferasetê şaredarîya komelkî, nanêko bikalîte û bi vayîyêka musaîd biresnê şarî.”
Hemşaredarê Bismilî Guven Tanrikulu zî wina vat: “Serra 2024î de wexto ke ma dest bi wezîfeyî kerd, ma hewl da ke bi hişmendîya şaredarîya komelkî têbigêrê. Fikrê ma o bî ke ma eşkenê seba şarî xo se bikerê ser ro ma na xizmeta Nanê Şarî dayê dest pêkerdene. Wa şarê ma rê xeyrîn bo.”
Badê qiseykerdişî, Fabrîkaya Nanê Şarî ame akerdene.
