Azad Reşîd Hewêz bi nasnameyê Azadê Tinê ke bi serran o tena verê Lûtkeyê Hewlêrî de karê nuştekî keno, bedewîya xozayî xo rê kerda faktorê esasî yê karê hunerî û seba ciwanan zî vano ke ganî muhîmîyet bidî hunerê xo û va: “Huner nêbo, cuye zî nêbeno.”
Huner û karê şêwekarîya destan, yewê karanê tewr bedewan ê hunerî yê cîhanî de yo. Herêma Kurdistanî zî wayîrê huner û zanayîşanê pîlan a. Xozaya bedewe ya Kurdistanî zî tim bîya babete û mijarê tabloyê hunermendan. Nimûneyê nê şêwekar Azad Reşîd o ke bi Azadê Tinê yeno nasnayene, verê Lûtkeyê Hewlêrî de karê şêwekarîye keno.
Şêwekar Azad Reşîd karê xo kaxiz ser o bi renganê sîya û sipî yo. Azad Reşîd şêwekarêko bajarê Hewlêrî yo û serra 1984î ra nata nê karî keno. Rojane dormeyê Lûtkeyê Hewlêrî de ronişeno, nuşteyanê welatîyan rûpelê sipî ser o resîm keno.
Şêwekar Azad Reşîd nê vano; “Bedewîya xozayî wina mi rê kerda ke dest bi karê şêwekarîye bikera. Rojane keyneyî û lajê şarisanê mi zîyaret kenî, ez zî înan rê bena hetkar ke hunerî bimusî.”
Debara cuyîşî ya Azad Reşîdî resîmkerdişê nuşteyanê kesanê ke rojaneyî ey ziyaret kenî ser o ya û va: “Ez yew het ra nuşteyanê kesanê ke wazenî resîm kena û yew het ra zî nuşteyanê kesanê û hunermendanê naskerdişan resîm kena. Zafêr nuşteyê ke ez resîm kena sîya û sipî yê. Renganê bînan zî şuxulnena, la zafêr waştiş sîya û sipî ser o yo. Seba naye mi zî giranîya xo dayo şuxulnayîşê renganê sîya û sipî.”
Şêwekar Azad Reşîd nîşan keno ke her kesê ke dest bi kar yan zî hunerêk bikero rastê astengan yeno, la heta nika rastê astengan nêameyo babetê karê xo de û reyna kesê ke hetkarî kenî zî zaf ê û va: “Wexto ke xetan ancena zaf keyfweş bena, kena cîhanêko xeyalan. Her kesê ke hunerêk bikero hemeyê xeman û kederanê xo remeno, seba ke karê xo ra eleqedar bena, mîyanê hîs û ramananê to ra vejînî û şinî.”
Tewr peynî Şêwekar Azad Reşîd veng dano ciwanan û vano; “Bi hêvîya her ciwanêk ya her kesêk ke hunerêk ya zî zanayîşêk ey est o, girîngî bidî ey ke aver şiro. Her çî bi hunerî bedew o, eger huner nêbo cuye zî çin o.”
