Bi hezaran heskerdox û welatijî tezîyeya sîyasetmedar û aktîvîsta TJA’yî Bêrîvan Kutlu ya Silopyayî zîyaret kerd.
Seba sîyasetmedar û aktîvîsta TJA’yî Bêrîvan Kutlu taxa Yenîşehîrî ya qezaya Silopya ya Şirnexî de tezîye ameye ronayene. Sewbîna Rovajê Kurdîstanî de zî seba Kutlu tezîye ameye ronayene û şar tezîye zîyaret keno. Silopya de bi hezaran cinî, heskerdox û welatijî tezîyeya Bêrivan Kutlu zîyaret kenê.
Rayberê partîyanê sîyasî û rêxistinê sîvîl ê Şirnex, Mardîn, Amed û Dêrsimî ke taxa Yenîşehîr de kom bîyê, heta kona tezîye rayra şîyê. Rayîrşîyayîşî de sloganê “Jin jîyan azadî” û “Şehîd namirin” ameyê vatene. Kona tezîye ro fotografê Bêrîvan Kutlu ameyê aliqnayene.
Tîya de Parlamenetera DEM Partî ya Şirnexî Newroz Uysal Aslan qisey kerd û keyeyê Kutlu û şarê kurdî rê serweşîye waşt. Newroz Uysal Aslan dîyar kerd ke hemraya înan Bêrîvan Kutlu her tim seba têkoşînê azadîya cinîyan û têkoşînê azadîya şarê kurdî xebat kerdêne û bi hewayêko bêhempa xover da.
Newroz Ûysal Aslan da zanayene ke ê do her tim seba xeyal û amanacanê Bêrîvan Kutlu xover bidê.
Rojava de zî tezîye ameye ronayene
Sewbîna seba Bêrîvan Kutlu rojavayê Kurdîstanî de zî tezîye ameye ronayene û tîya de zî bi hezaran welatijî tezîye zîyaret kerdê û wayîrê têkoşînê Kutlu vejîyayê.
