Seba Berê Sînor ê Nisêbîn û Qamişloyî bêro akerdene, amadekarî yenê kerdene û yeno vatene ke hewteyê vernîya ma do ber bêro akerdiş.
Berê Sînor ê mabênê qezaya Nisêbîn a Mardîn û şaristanê Qamişloyî yê Rojava de yeno akerdene. Goreyê xebera ANHA’yî seba akerdişê berê sînorî amadekarî yenê kerdene û hewteyê vernîya ma do ber bêro akerdiş.
Hetê bînî ra çend rojan ra ver rayedaranê dewleta tirkan zî eşkera kerdbi ke seba akerdişê berê sînorî hetê Tirkîya ra tu problem çin o û ê pawenê ke hetê Sûrîye qerarê akerdişî bido.
