Koroyê Domananê Dêrsimî, Bazel ra ame Dêrsim û Meydanê Seyîd Rizayî de qomê xo rê kilamê xo vatî. Endamanê Koroyî wina vat: “Her vas serê koka xo ser beno kewe, her teyr zonê xo de waneno, kam ke raya xo ra nêşî rêça xo bena vîndî.”
Koroyê Domananê Dêrsimî, Şaristanê Bazelî yo ke girêdayeyê Swîsre yo, uca ra ame Dêrsim û Meydanê Seyîd Rizayî de qomê xo rê kilamê xo vatî. Koroyê Domananê Dêrsimî 2021i ra na het Swîsre û Almanya de ziwanê dayîka xo ser irkmanckî/zazakî xebat kenê. Koroyê Bazelî emser amayê welatê xo Dêrsim û waşt ke kilamanê xo hardê xo de vera qomê xo vajê. Vizêrî şan de Meydanê Seyîd Rizayî de kilamê xo vatî. Şarê Dêrsimî zî pê domananê xo şa bî.
Endamanê Koroyî seba ziwan û kulturê xo wina vat: “Her vas serê koka xo ser beno kewe, her teyr zonê xo de waneno, kam ke raya xo ra nêşî rêça xo bena vîndî.”
Domanan Meydanê Seyîd Rizayî de Pankartê, “Zonê ma xo vîr ra meke” akerd.
