Federasyonê Futbolî yê Tirkîya, Amedsporî ra seba ke sloganê kurdkî yê ke formaya înan ser bi, cezaya pereyî da. No serebûtî ra Hemserekê DEM Partîye Tuncer Bakirhan bertek nîşan da û va ke êdî bes o, ma nê nêheqî û zilmî qebul nêkenî.
Federasyonê Futbolî yê Tirkîya, Amedsporî ra seba sloganê kurdkî yê ke reklamê sponsorî formaya înan ser bi, cezaya pereyî da. No serebûtî ra Hemserekê DEM Partîye Tuncer Bakirhan ser hesabê xo yê X’î bertek nîşan da.
Polîtîkaya bêtehamulî
Hemserekê DEM Partîye Tuncer Bakirhan no mesaj hesabê xo de pare kerd: “Meclîs de kurdkî rê bêtehamulî, spor de kurdkî rê cezaya pereyî. Na politikaya bêtehamulî û ceza, teber de vera kurdkî rê hêrişî bi xo ra aneno. Aqlo ke formaya kurdkî ra ceza da, tewr zaf aştî rê zirar dano. Ganî TFF nê qerarê xo yê şermî ra fek verado û ozrê xo biwazo. Nê bêhurmetî vera ziwanêko hetê bi milyonan kesî yeno qiseykerdene ame kerdene, no zî vera rêbazê demokratîk û aştîya komelî yo. Êdî bes o, ma nê nêheqî û zilmî qebul nêkenî.”
