Hemserekê DEM Partî Tuncer Bakirhanî kombîyayîşê grûba partîya xo de va ke Neteweyê Yewbîyayî de 205 dewletî est ê û tena Tirkîya heqanê Kurdan ê Vakur û Rojhelatê Sûrîye de vera vejîyena.
Bakirhanî qiseykerdişê xo de verê rojnamegeranê ke SIHAyê Tirkîya ra ameyê kiştene Nazim Daştan û Cîhan Bîlgîn yad kerdî û va 5 serran de 13 rojnamegerî ameyî kiştene û 7 rojnamegerî zî birîndar bîyî.
‘Şima nêşênê raştîyan binimnê’
Bakirhanî qiseykerdişê xo wina dewam kerd: “Şima bi kiştişê rojnamegeran nêşênê raştîyan binimnê. Embazê Nazim û Cîhan do qelema înan nêmcet nêverdê.” Ey va ke reaksîyonê nê kiştişî ser o zî rojnamegerî yenê tepiştiş û vera înan dawa yena akerdene. Bi tepiştiş û kiştiş kes kes amancê xo ra fek vera nêdano. Eke wina bibîyêne Apê Mûsa ra pey ka fek vera bidayêne.”
‘204 dewletî vanê wa kurdan rê heq bêro dayîş’
Bakirhanî va ke Neteweyê Yewbîyayî de 204 dewletî vanê wa Kurdî heqanê xo yê demokratîkan bigîrê la tena Tirkîya vana ‘Kurdan rê heq çin o, huquq çin o, statu çin o.’ Ey va: Kamî vera DAIŞ’î rayîr girewt? Cinîyanê kurdan xeleta qehremanîye girewte. La şima hema zî vanê ‘terorîst’.
‘Hukmat tecrîdî dewam keno’
Bakirhanî derheqê tecrîdê Îmraliyî de zî qisey kerd û va ke hukmat nêwazeno tecrîd bêro wedarnayene û nêverdeno pêvînayîşo dîyin bibo. Ey va: Eke tecrîd bêro wedarnayene û şertê Rayberê Şarê Kurd Abdullah Ocalanî bêrê viraştene, aştî û demokrasî do aver şêro.
