Serekê MHP’yî Devlet Bahçelîyî kombîyayîşê partîya xo de dîyar kerd ke ganî statuyê Abdullah Ocalanî bêro dîyarkerdene.
Serekê MHP’yî Devlet Bahçelîyî kombîyayîşê partîya xo de derheqê hedîseyanê rojeve de qisey kerd. Devlet Bahçelîyî dîyar kerd ke dimayê raporê hempar ê komîsyonî êdî dora vetişê qanûnan a û wina vat: “Komîsyonê karê xo kerd. Êdî dora vetişê qanûnan a.”
Bahçelî reyna prosesê çareserîya meseleyê kurdî sey problemê ‘terorî’ pênase kerd û wina vat: “Hemwelatîbîyayîşo seypê. Demokratîkbîyayîş û caardişê heqanê komelkî do seba heme kesan û welatî rê başîye bîyaro.”
‘Dimayê ronayîşê çekan û agêrayîşî do qanûnî vejîyê’
Devlet Bahçelîyî dîyar kerd ke vetişê qanûnan dimayê tesbîtkerdişê çekronayîşê heme endamanê rêxistine do bêro ca û wina qisey kerd: “Endamê ke çekê xo ronayê do bi dore tewrê komelî bibê. Dimayê teslîmkerdişê çekan qanûnê ke lazimtî pê est a, do bêrê vetene.”
Devlet Bahçelîyî bale ant vengdayîşê 27ê sibate yê Rayberê Şarê Kurdî Abdullah Ocalanî ser o û wina vat: “Ganî KCK zî bilez bêra fesihkerdene.” Devlet Bahçelîyî derheqê kerdişanê qeyûman zî îfade kerd ke do goreyê demokrasî na babete newera bêra rastkerdene.”
