Verfeka DEM Partî Ayşegul Dogan qerarê “Butlano Mutlaq” ser o wina vat: “Butlano Mutlaq”vera demokrasî û huqûqî yo. Sey DEM Partî ma erjanê demokratîk pawenê û wayîrê prosesê Aştî û Komelê Demokratîk vejênê. Ma kişta demokrasi û huqûqî de ca gênê.”
Verfeka Partîya DEM’î Ayşegul Dogan badê kombîyayîşo awarte yê Desteyê Rayraberdişî Merkezî yê DEM Partî ke seba erjnayîşê qerarê “Butlano Mutlaq” ê kongreya CHP’yî de eşkerayîya çapemenîye organîze kerd.
Ayşegul Dogan diyar kerd Desteyê Rayraberdişê Merkezî qerarê “Butlano Mutlaq” vera CHP’yî ser o bi hawayêko awarte kom bîyî û vat: “Ma kombîyayîş de tehlukeyê qerarî ser o erjnayîş kerd. No qerar vera huqûqî yo û qerarêko sîyasî yo. Sey Partîya DEM’î sey her wextî ma kişta îradeyê şarî de yê û vera nê qerarî yê. No qerar tena vera partîyêk ney, vera demokrasî yo û ma hemîna eleqedar keno. No problemê demokrasî yê Tirkîya yo.”
‘Aştî û demokrasî yewbînan ra cîya nêbenê’
Ayşegul Dogan îfade kerd ke no qerar eşkeno heme waranê demokrasî ser o tesîr bikero û wina dewam kerd: “No qerar eynî demî de mudaxaleyê vera demokrasîya Tirkîya yo. Seke yeno zanayene wexto ma qalê prosesê Aştî û Komele Demokratîk kerdêne, operasyonê 19ê adare vera şaredarîya Stenbolî virazîya. Nika zî wexto ke ma qalê prosesê qanûnî kenê de no qerar ame dayene. Ma nê çî sey versîyêk prosesê Aştî û Komelê Demokratîk ser o erjnenê. Aştî û demokrasi yewbînan ra nêyenê cîyakerdene. Hewcedarîyê ma bi bawerî esta. Proseso ke ma qalê aştîya komelkî kene de qerarê bêhûqûqî bawerîya seba prosesî kêmî kenê. Ganî mehkemayî nêbê dîzaynkarê muxalefetî û goreyê menfîetê sîyasîyan tênêgêrê. Ganî siyaset demokratîk û azad bo. Ganî fek caardişê vera demokrasî û huqûqî bêro veredayene.”
‘Ma kişta demokrasî û huqûqî de ca gênê’
Ayşegul Dogan îfade kerd ê hêvî kenê ke do CHP nê rojanê çetînan derbas bikero û vat: “Xurtbîyayîşê muxaletî, eynî demî de xurtbîyayîşê demokrasî yo. Ganî muxalefet nê prosesî de pîya têbigêro. Ma Stenbol ra heta Amedî seba demokrasî têkoşîn kenê û sey Partîya DEM’î û sey her game kişta demokrasî, huqûq û erjanê demokrasi de ca gênê.”
‘Em li rex demokrasî û hiqûqê disekinin’
Ayşegul Dogan îfade kerd ê hêvî kenê ke do CHP nê rojanê çetînan derbas bikero û vat: “Xurtbîyayîşê muxaletî, eynî demî de xurtbîyayîşê demokrasî yo. Ganî muxalefet nê prosesî de pîya têbigêro. Ma Stenbol ra heta Amedî seba demokrasî têkoşîn kenê û sey Partîya DEM’î û sey her game kişta demokrasî, huqûq û erjanê demokrasî de ca gênê.”
‘Heyetê ma siba seba pêvînayîşî şino Îmralî’
Ayşegul Doğan vat ke heyetê înan do siba Rayberê Şarê Kurdî Abdullah Ocalanî reyde pêvînayîş bikerê û do seba aştîye têkoşînê xo bidomnê.
