Artêşa Iraqî kewtê Taxa Newroze ya Kerkûkî ke zafê şarê aye kurd ê. Ame vatene ke îşkence ro hinî merdiman ameyo kerdiş û kurdî bi îşxalkerdişê keyeyê înan ameyê tehdîd kerdene.
Zextê artêşa Îraqî yê serê şarê Taxa Newroze ya Kerkûkî ke zafê înan kurdan ra pê yenê, dewan keno. Artêşe wazena bi darê zorî şarê taxe keyeyê înan ra vejo û dest bido serê keyeyê înan.
‘Îşkence ro welatijan kenê’
Goreyê dîmenanê ke hetê çimeyanê herême ra ameyê parekerdene nê sibayî hêzêka girêdayê artêşa Îraqî eşto serê taxe û îşkence ro çend kesan kerdo. Goreyê agahîyan leşkeran şarê taxe ra vato ke eke şima keyeyê xo ra vejîyê do dest bidê serê banê înan. Ame zanayene ke heta nika zî leşkerî mîyanê taxe de mendê û hêzê xo yê mîyanê taxe zêdetir kenê û seba şîyayîş û ameyîşî rayîr nêdanê welatijan.
‘Wazenê dest bidê bananê kurdan ser’
Vîzerî şan ra hêzê Îraqî dorê taxa Newroze girewta, bi amancê vengkerdişê taxe zextanê şîdetî serê şarê taxe kenê. Badê rijiyayîşê rejîmê Baasî ra welatijanê kurdî ban û hêgayê taxe newroze girewtê û no 23 serrî yo na taxe de ciwîyenê. La nê di serrî yo artêşa Îraqî hewl dana ke taxe dagir bikero. Vernîya nika zî şarê taxe xeylê reyan çalakîyê cîya viraştê û dîyar kerd ke do bananê xo ra nêvejîyê.
