Abdullah Ocalanî, kesanê ke cay û demanê cîyayan de weşîya xo dest da û zaf cayan de virardena înan virazîna ser qisey kerd û vat: Têmamê xebatanê xo yê raya awankerdişê Komara Demokratîke û komela demokratîke de, nameyê şehîdanê ke na têkoşîne de gîyana xo feda kerda de dîyarî keno.”
Rayberê Şarê Kurdî Abdullah Ocalanî, seba kesanê ke têkoşîna azadîya kurdan de dem û cayanê cîyayan de şehîd bîyê, Zindana Îmrali ya ke tede yo ra peyamêk da.
Peyam de nê îfadeyî estê:
“Ez şehîdanê ma bi rêz ana vîrî.
Temamê xebatanê xo yê raya awanîya Komara Demokratîke û komela demokratîke de, nameyê şehîdanê ma yê ke nê têkoşînî de gîyana xo feda kerda de dîyarî keno.
Wayîrvejîyayişê emanetê înan, berpirsîyarîya tewr bingeyîne ya raya ke ma tede meşîyenê ya. Xebatê teorîk û pratikî yên ke ma seba aştîye kerdê û hamleya pîle ya aştîye, gerekê rêza xûrte û wefadaranîya seba vîrardena înan a pîle ya.
No kedo ke ame mojnayene, îfadeya berzkerdena vîrardena înan û bêvate nêcaverdayişê fedakarîya înan o.
Seba ke ma bibê layiqê vîrardena nê kesanê ke na raye de ganê xo ra bîyê, gerekê ma zemînê şer û pêkewtişan ravaznê û aştîyêka bi rêzdarîye bivirazê.
Ez pêro şehîdanê ma ver bi rêz bejna xo dalç kena û qerarxortîya xo ya seba xeyalberzkerdişê têkoşîn û îdealanê înan tayêna zêde cehd kena.
Ez heme keyeyan rê serweşî û xemgînîya xo ya xûrte salix dana û vana ke cehdê ma seba azadîya neslanê neweyan, bêsekin û bi qerarxortî do dom bikê.
Abdullah Ocalan
13ê Êlula 2026î
Îmralı.”
