Rayberê Şarê Kurdî Abdullah Ocalan keye, dost û heskerdoxanê Onderî rê serweşîye waşt û vat: “Ganî na hêvî tu wext nêmcet nêmana. Ganî ma ruhê ey biresnê aştî. Ganî ma aştî bi nameyê ey tacîdar bikerê.”
Mesajê Rayberê Şarê Kurdî Abdullah Ocalanî wina yo:
Seba vîrameyîşê Sirri Sureyya Onderî yo sînaye;
Bi mergê Sirri Sureyya Onderî yo sînaye qesawetêko xorîn kewt ma ser. Merdimêko zaf biqîmet bi. Ewladêko rasteqîn ê şaran bi. Tradîsyonê Anatolîya û Turkmenan ewladê xo yo pîl vîndî kerd. Heme komelê cografyaya ma û şarê ma rayembazêkê xo yo pîl vîndî kerd. Ez rêzdarîyêka pîle mojnena vîrameyîşê ey.
Vengdayîşê ma yo peyên ke 27ê sibate de ame kerdene, cumleya peyêne ke ma vêşî kerde, bi destê xo not girewtbî. O bi xo waşt nê notî biwano. Nameyê cuya aştîyane ya pîya de kede û jêhatbîyayêşêko pîl yê ey est bî. Hetê hunerî de ke hedîseyanê negatîfan bibedilno heto pozîtîf, wayîrê westayîyêka pîle bi. No nasname û kulturêko rasteqîn ê aştî bi. Ey zaf baş zanayêne ke aştî û prosesê aştî heme hetan rê dano qezenckerdene. Seba ma pêrûnan ya muhîme na ya ke, ganî ma nê ruhê biresnê aştî û bi nameyê Sirri Sureyya Onderî tacîdar bikerê.Ez reyêka bîne vîrameyîşê ey ser o girêdayeyê xo yê ebedî îfade kena. Ez seba keye, dost û heskerdoxanê ey yê biqîmet û heme şarê ma rê serweşîye wazena. Sereyê ma hemînan weş bo.”
Abdullah Ocalan
3ê Gulana 2024
