Rayberê Şarê Kurdî Abdullah Ocalan konferansê “Aştîya Tirkîya ya ke bi Zor Yena Awankerdene” rê mesaj erşawit. Abdullah Ocalanî wina vat: “Ez veng dana heme kurdan ke zemînê demokratîkî de bêrê têhet û bibê yew.”
Rayberê Şarê Kurdî Abdullah Ocalan konferansê “Aştîya Tirkîya ya ke bi Zor Yena Awankerdene” rê mesaj erşawit. Mesajê Rayberê Şarê Kurdî Abdullah Ocalanî wina yo:
“Ez Merkezê Cigêrayîşanê Rûdawî pîroz kena seba organîzekerdişê nê konferansî û bi taybetî seba sernuşteyê ‘Aştîya Tirkîya ya ke bi Zor Yena Awankerdene’ ez înan pîroz kena. No sernuşte, rastîye bi hewayêko rasterast mojneno.
Tirkîya de aştî îhtîmalêko zor bî ke bêro awankerdene. Çewres serran de bi tecrubeyanê dejan ma no xeylê reyan dî. Na rey zî ma îmkanê aştî ‘zor peyda kerd’ labelê seba resayîşê netîce ma bi heme qewetê xo û bi hesasîyet cehd kenê.
Eke Tirkîya de no proses serkewo, qederê heme Rojhelatê Mîyanênî do bivurîyo. Herinda şer û wêrankerdişan do ciwîyayîşêko demokratîk bigîro ke bingeyê ci aştî yo.
Tercîhê mi o yo ke kurdî, bi dewletanê ke îmkanê têkilîyê merkezê komelê demokratîkî danê ci, înan reyde bibê û piştgirîye bidê. Ez naye sey ‘entegrasyonê bingeyê komelê demokratîkî’ pênase kena.
Têkilîyê mabênê kurdan zî ganî bi şeklê yewîya bingeyê demokratîkî bo. Ez venga heme kurdan dana ke zemînê demokratîkî de bibê yew.
Wa konferansê şima bi serkewtiş ravêro. Ez zerrî ra silam û hurmetanê xo şima rê erşawena.
Abdullah Ocalan
Girawa Îmrali”
