Xidir Qanar o ke nika, dewa Şaxverdî de woşîyê xo ramneno. Dewa xo kerdo şen, behsê 94 keno, qomê xo re veng dano: “94 de ma zaf heşîrîyê dî, narê tepa dewa xo şen bikerîme.”
Xidir Qanar, 94 de dewa Şaxverdîde bîyo, dewa xo kê vesnay bar kerdo şîyo Xarpêt, tepa vûnca amo dewa xo, xo re celev gûreto, dewa kerdo şen. Xidir qanar ma rê behsê dewa xo, 94 û kar û gûre xo keno vano ke: “Dewa ma Şaxverdî yo. 94’de bonê ma vesnay, ma bar kerdîme şîme Xarpêt Tepe vûnca amêy ma dewa xo. Mal gûret, dima dewcîye ma amêy. Ûsar yena dewa xo, mîye xo beme worê. Mîyû beme deve çûxûrû, worê ortî, çetû, ûzade çîrayne me. Hîre asme warê de maneme. Qatîq dame arê, mesînê xo çirayne me, roseme, kar û gûre xo keme. Asme payîzê pêyen de yeme dewa xo. Dewa de karê xo gedanê me, bar keme somê vûnca Xarpêt.”
Qomê ma berê dewa xo
Xidir Qanar, qiseykerdîşê xo de dîyar kerd ke, berê dewa xo, pîya wayîr vejîme welatê xo û nîya va: “Wazên ke dewcûye ma perûne peysêr bere welatê xo. Ma 38 dî, 94 dî, halê ma xiravin verde ra. Ma ke çi dî, xo vîra nekerîme. Nika pêyser amêy ma, jûmîn de haşt bîme, woşîye rind biramime. Berê dewa xo, hardê xo, hegay birame, dewletê hegay ma rê gûret da îcarû. Tayê dewa esta, hûrene ma bî hîra, berê xo re bon viraze. Ma çi heşîrîye ra rayê dewa kerdî ra. Çila dewa ma çîne bî, bere wayîr vejîye dewa xo. Merge esta, hegay bi ramê, mesû woyîye kere. Ma dewa de çîye merdû dame, qirvan keme, qirvanê des û di îmamû kenîme. Qirvanê xizir kenîme. Pîr galîkê xo re, hewşê xo re qirvan kenîme.”
Haştîya ma ra dûr ya
Qanar, peynîya qiseykerdîşê xo de nîya va: “Her çi vere çimûne ma de asêna. Sarê ma kene zere. Her roj ke zûlmê bî, haştîyê yena. Pirodayîş ke bî haştîyê bena.”
