Dima ke Kemal Kiliçdaroglu bi qerarê mehkema yê “Betalkerdişê Teqezî” agêra wezîfeyê xo yê verênî, 28 parlamenteran Meclîsê Partî ra îstîfa kerd. Goreyê agahîyan îstîfayî seba kerdişê kongre ameyê kerdene.
Ekîbê lîderê weçînite yê CHP’yî Ozgur Ozelî, seba ke partî mîyanê 45 rojan de kongreya xo ya awarte bikera, qerar da ke Meclîsê Partî ra îstîfa bikerê. 57 endamanê Meclîsê Partî ra yê ke bi qerarê ‘Betalkerdişê Teqezî’ agêrayê wezîfeyanê xo, înan ra 28 kesî ke nêzdîyê Ozgur Ozel ê îstîfa kerd.
Ame dîyarkerdene ke bi nê qerarî goreyê Telîmatnameyê Partî hem Meclîsê Partî hem zî Komîteya Rayberîya Merkezî yê ke ameyê weçînitene, bi hewayêko fermî betal bîyê.
