Jina bi navê Durdona Khokimavo duh li navçeya Şîşliyê hatibû kuştin. Rêxistinên jinan nerazîbûn nîşanî kuştina wê dan.
Duh bi şev li navçeya Şîşliyê ya Stenbolê jina bi navê Durdona Khokimavo ji aliyê Dılshod Akhrol Uglı Turdımurotov û Gofurjon Akmalkhonovıch Kamalkhodaev ve hatibû kuştin. Li dijî vê rêxistinan jinan li Rawestgeha Osmanbeyê ya navçeya Şîşliyê heta Kolana Kuyulubagê meşiyan. Di meşê de diruşmeyên “Jin Jiyan Azadî” û “Kuştinan jinan polîtîk e” hat berzkirin. Piştî girse hat kolanê daxuyanî da.
‘Kujer ji aliyê dadgehan tê parastin’
Daxuyanî li ser navê Li Dijî Kuştina Jinan Gruba Kampanyayê ya Femînîstan ji aliyê Berfîn Atli ve hat xwendin. Berfîn Atli diyar kir ku desthilatdariya mêrperest di bin parastina dewletê de mezin dibe û got: “Kujer ji aliyê dadgehan tê parastin. Mêr ji van biryaran hêz digirin. Em dizanin ku sedema kuştina jinan polîtîkayên dewletê yên mêrperest e. Çawa ku tundiya mêr li her derê ye, dê têkişîna me jî her derî bê. Kujerên Durdona Khokimova jî heman polîtîkayên desthilatdariyê cesaret girt.”
