Girewteyêko sîyasî yê kurd Fûad Fetih ke hepisxaneyê Evîn ê Tehranî de maneno no 10 rojî yo vera îşkenceyî grevê vêşanîye de yo.
Rejîmê Îranî tedaya vera şar û bi taybetî girewteyanê hepisxaneyan ser o zêde keno. Goreyê Torra Heqanê Merdiman a Kurdîstanî 14ê sibate de girewteyo sîyasî yo kurd Fûad Fetih hepisxaneyê Evîn ê Tehranî de dest bi grevê vêşanîye kerdo. Ame eşkerakerdene ke Fetih vera îşkenceyî dest bi grevê vêşanîye kerdo. Semedê rewşa hepisxaneyî û zordarîyan rewşa weşîye ya Fetih, çiqas şino giran bena.
Keyeyê Fetihî waşt ke lajê înan bilez bêro veradayene û vengdayîşê hîsgêrî raya pêroyî kerde.
