Mazlûm Ebdî û Îlham Ehmed çarçeweyê Konferansê Ewleyîye yê Munîhî de bi Senatorê Amerîkayî yê namdar Lindsey Graham reyde kom bî.
Fermandarê Pêroyî yê Hêzê Sûrîya Demokratîk (HSD) Mazlûm Ebdî û Hemsereka Daîreyê Karanê Teberî ya Rayberîya Xosere Îlham Ehmed çarçeweya Konferansê Ewleyîye yê Munîhî şaristanê Almanya de bi Senatorê Amerîkayî yê komarwaz ê namdar Lindsey Graham reyde kom bî.
Graham Çarçeweyê Konferansê Ewleyîye yê Munîhî de rojnamegeran ra vat ke Dewletê Yewbîyayeyî yê Amerîkayî (DYA) do sey hevalbendêk şerê verva DAIŞ’î de pawitena şarê kurdî û paştîdayena înan bikero û dîyar kerd ke Washington înan veranêdano.
Graham da zanayene ke ey hêrişê hukmatê demkî yê verva kurdan vindarnayê û qanûnêk Amerîkayî est o ke welatêke paştî danê hêrişan ceza bikero. Senator Lindsey Graham wayîrê pêşnîyazê “Pawitena Kurdan” o, ke do Kongreya Amerîkayî de bêro pêşkêşkerdene.
