Kovara kultur, huner û edebîyatî “Kewar” bi hûmara yewine (Zimistan 2026) dest bi weşanî kerd. Kovare do bi lehçeyanê Kurdkî weşan bikera û do bêheq bêra wendene.
Kovara kultur, huner û edebîyatî ya “Kewar” pêşengîya Komela Cigêrayîşanê Kultur, Tarîx û Edebîyatê Fekî (SOZ-DER) de dest bi weşanî kerd. Kovara ke do bi lehçeyanê Kurdkî bêra weşanayene do sey dîyarîya komele bêpere bêra vilakerdene.
Kovara Kewar do hîrê aşman de reyek bêra weşanayene û do her hûmare de bi nuşteyanê edebîyat, huner û rexneyî biresa wendoxanê xo. Hûmara yewine de babeta sereke kultur, edebîyatê fekî û tarîx ê. Heme amadekar, endamê redaksîyon û edîtorê kovare endamanê komele û nuştoxanê ci ra yeno pê.
Tedeyîya Kovare
Kovara Kewar de şîîr, hîkaye, açernayîş, berhem û nuşteyê rexneyî û teorîkî ca gênê. Taybetmendîyêka muhîm a kovare o yo ke ca dana nuşteyanê cîya û rengûreng zî. Sewbîna kovare bi amancê xurtkerdişê ziwan û edebîyatê fekî yê Kurdkî û afernayîşê platformêkê azad seba nuştoz û wendoxan do weşanê xo bidomna. Kewar do bi îdiaya biba cayê veng, kultur û edebîyatê Kurdkî weşanê xo bidomna û veng û rengê Kurdkî bida eşnawitene.
Beşê Kovare
– Beşê Cigêrayîş û Edebîyatî: Do nuşteyî ke seba kovare ameyê erşawitene, bêrê weşanayene.
-Beşê Cinî: Do nuşteyê cinîyan tîya de bêrê weşanayene.
– Beşê Şîîrî: Her hûmare do kitabêko ke bi Kurdkî ameyo nuştene, bêro daşinasnayene.
-Beşê Hîkayeyî: Hîkayeyî ke ameyê komkerdene do bêrê weşanayene.
– Qelemê Neweyî: Nuşteyî kesanê ke newe dest bi nuştişî kerdo, do nê beşî de bêrê weşanayene.
Kovare do hîrê aşman de reyêk bi nameyê mewsîmî vejîya. Hûmara nê mewsîmî zî bîye Zimistan.
