Partîya DBP’î Kongreya xo ya 7. viraşt û kongre de Hemserekê DEM Partîye Tuncer Bakirhan aşkera kerd ke rayîrê çareserîye azadîya Abdullah Ocalanî ra vîyareno
Partîya Herêmane ya Demokratîke (DBP) Kongreya xo ya 7. Merkezê Ticaretî ya Dinya yê Enqereyî de viraşt. Kongre ra Hemserekanê DBP’î Çîgdem Kiliçgun Uçar û Keskîn Bayindir, Hemserekê DEM Partîye Tuncer Bakirhan, Hemserekê ESP’î Murat Çepnî, temsîlkaranê partiye, temsîlkaranê sazîye sivîlî û zaf hûmarî de welatijî beşdar bîyê.
Kongre de dovîzanê “Çareserîya demokratîke yê problemê kurd, bi azadîya Ocalanî beno” û “Li hember şerê taybet jin jiyan azadî” akerdê, hewna bêmîyan sloganê “jin, jiyan, azadî” qîrayê. Kongre de sifte endamê dîwanî ameyê weçînayiş û dîwanî ra Wekîlê Amedî Serhat Eren û Verfeka Komîsyonê Ziwan, Kultur û Hunerî ya DEM Partîye Cemîle Turhalli ameyê weçînayiş. Kongre bi qiseyê sîyasetmedaran destpê kerd.
Roj roja rêxistinbîyayişî ya
Hemserekê DBP’î Keskîn Bayindir va ke Kurdistan de ganî heme şaristanan rêxistinîya xo gird bikê, çimkî hetanî netîce bêro girewtiş do têkoşîn bidomyo û wina va: ”Ma do nika ra pey nîqaşê azadîya kurd bikê. Roj roja rêxistinbîyayiş, xoverdayiş û çalakîyan a.”
Hewna Hemsereka DBP’î Çîgdem Kiliçgun Uçar zî bal ant ser pêvînayişê Heyetê Îmraliyî û wina domna: “Vengdayişê muhîmî yê Birêz Ocalanî estê, ganî çew no vengdayişî ra çimanê xo nêpado. Her kes seba çareserîye wa berpirsîyarî bîyaro ca. Ma do seba şaranê Tirkîya û Kurdistanî, cuyayişo hembar ser xebata xo bikerê.”
Wa ameyoxê Sûrîyeye ra şaran qerar bidê
Hemserekê DEM Partîye Tuncer Bakirhan ard ziwan ke ganî statûya kurdan biba û wina va: “Welatê Sûrîyeye xo ra nê 100 serrê binê zilmî de cuya. Çew nêeşkeno ameyoxê Sûrîyeye bê kurd înşa biko. Efrîn şaristanê tarîxî yo, Kobanê şaristanê xoverdayişî yo. Rojawan de kam mudaxaleyê cuyayişê cinîya erebêkî kerda. Ganî zîhnîyetê xo wa bibedilnî, kurdan dişmenê şima nîyê.”
Birêz Ocalan hema zî vatişê xo yê serra 94î pawiyeno
Bakirhan aşkera kerd ke nika Tirkîya de pêvajoyêk yena cuyayiş, Birêz Abdullah Ocalan hema zî vatişê xo yê serra 1994î pawiyeno û wina qedîna: “Çareserîya demokratîke, komara demokratîke û mekaqanûnêko demokratîke seba pîya cuyayişê şarê tirk û kurdî ra şert ê û cuyeya seyyewbînanî ra ma vanê eya.”
Hemserekan nêbedilyayê
Kongre de Hemserekî ra hewna Çîgdem Kiliçgun Uçar û Keskîn Bayindir ameyê weçînayiş û rayberîya DBPî ra zî: Abdullah Yaman, Ahmet Ertak, Ayşe Çelîkbîlek, Berîvan Bahçecî, Berîvan Helen İşik, Bünyamîn Şeker, Dîlber Demîr, Elîf Tîrenç Îpek Ulaş, Elîf Yalçin, Firat Kirdag, Gonul Yalçin, Gulay Koca Ozturkoglu, Hafize Îpek, Hebun Aslan, Huseyîn Bîrlîk, Îlyas Efe, Îsa Gurbuz, Kerem Nalbant, Muazzez Orhan, Murat Kiliç, Murat Sarisaç, Mustafa Yaşodun, Mulkîye Esmez, Narîn Gezgor, Okkeş Kava, Tarik Zafer Yazgan, Zeyep Kaya, Zeynep Ugurlu ameyê weçînayiş û rayberîya yedekî ra zî 20 tenê cîya ameyê weçînayiş.
