Wekîlê DEM Partî Heval Bozdagî derheqê ablûqaya serê Kobanê de ard ziwan ke ganî sere de Berê Sînorî yê Murşitpinarî ra korîdorê cuye û weşîye bêro akerdene û vat: “Eke nêbo, mergê ke do bibê, înan ra Tirkîya berpirsîyar a.”
Pîya bi hêrişanê qirkerdişî çeteyanê dewleta tirke, HTŞ’yî yê vera Rojavanî Kobanê hetê çeteyan ra kewt binê ablûqa û ceyran û awe ameyî birnayene.
Wekîlê DEM Partî Heval Bozdagî ard ziwan ke ablûqa bitaybetî domanan, extîyaran û nêweşan ser tesîro giran kena û vat ganê înan binê rîskî de yo û xizmetê weşîye ameyo merhaleya vindertişî.
Bozdagî îfade kerd ke hedefgirewtişê nêweşxaneyan û xebatkaranê weşîye sûcê şerî yo û veng da ke Tirkîya ra wa sere de Berê Sînorî yê Murşîtpiranî ra korîdorê merdimî û weşîye bêro akerdene.
Bozdagî vat Tirkîya de rêxistinê weşîye seba ke hetkarî biresnê Kobanê muracat kerd la hema cewab nêdîyayo înan.
Heval Bozdagî ard ziwan ke nê prosesî semedê kurdan hişmendîya polîtîke ya xurte afirnaye û vat no wextê dergî de do têkoşîno azadîye yê kurdan de xo ramojno.
