DBP’yî bi munasebetê serrgêra xoverdayîşê Kobanî ya 11. eşkerayîyêka nuştekî pare kerd û dîyar kerd ke Kobanî sey rûmetê însanîyetî payra ya û pêşengîya cinîyan şorişê Rojava qet bin nêkeweno.
11 serrî ra ver ewro şaristanê Kobanî çeteyanê DAIŞ’î ra ame pakkerdene. Partîya Herêman a Demokratîke (DBP) ewro bi munasebetê serrgêra xoverdayîşê Kobanî ya 11. eşkerayîyêka nuştekî pare kerd û Kobanî sey rûmetê însanîyetî payra ya, bi pêşengîya cinîyan şorişê Rojava qet bin nêkeweno.
Eşkerayî wina ya:
Ma serkewtişê Kobanê ke vera vatiş û plananê “Kobanî ver bi kewtişî yo” ameybî girewtene, bi îradeyêko bêemsal payan ser o, reyna bi sereberzîye selam kenê.
Destanê Kobanî ke 11 serran ra ver ame nuştene, tena çeteyan ra xelaskerdişê şaristanêkî nêbî, eynî wext de vera tarîtîya DAIŞ’î serkewtişê pawitişê erjanê azadîye, paradîgmaya cinîya azade û serkewtişê îradeyê cuya hempare ya şaran bî.
Serkewtişê Kobanî ke sey sembolê xoverdayîş û azadîye vîrê şarê kurdî de ca gêno, vera tarîtîya seserrî bendêko winasîn bî ke; bi ruhê fedayî yê Arîn Mîrkan, Paramaz Kizilbaşan û zaf qehremanê bênameyan ameyo awankerdene.
No xoverdayîşo ke morê xo dayo tarîxî ro, xo reyde sînorî bêmana kerdî û şarê kurdî ra heta şaranê cîhanî sey têkoşînêko enternasyonalîst bî wîjdanêko global. Bajaro ke mojna; bi pêşengîya cinîyan şorişê Rojava qet bin nêkeweno, sey sembolê globalî bî adresa hêvî û qerardarîye.
Serrgêra 11. ya nê serkewtişê efsûnênî de ewro tarîx reyna tekrar keno û Kobanî reyna vera dormegirewtişê hêzanê tarîyan bi îradeyêko gird xover dano. Çeteyê HTŞ’yî ke DAIŞ’î ra ameyî meydan, hêzê herêmkî û mîyanneteweyî ke piştî danê çeteyan bi hemkarîyanê pîsan cehd kenê ke Kobanî tarîyîya xo de bifetisnê. Binê dorpêçî de, bi vêşanî û têşanî bi serd û bêelektîrîk ke bi tesîrê înan domanî ganê xo ra benê, cehd kenê ke îradeyê Kobanê bişiknê. Nê kerdişê bêînsanî binê dorpêçî de na game zî dewam kenê.
La, vera dorpêçî ke dewam keno, Kobanî bi xoverdayîşo ke dewam keno, bi vindertişê xo mesajê “qet çok nêşikîyeno” dana dinya. Êyê ke kewtişê Kobanî xeyal kenê, vera îradeyî ke verê zî xeyalê înan veng kerdî, reyna bi pêşengîya cinîyan, waran ra, kuçe û kolanan ra şahîdîya îradeyêko bêemsal kenê.
Ruhê Kobanî ke ewro tesîrê Rojava û Rojhelatê Mîyanênî keno, nîşaneyo tewr şênber o ke; vera hêzê rêxistinbîyayeyî tu hêzî nêeşkenê vinderê. Amancê kesanê ke waştêne Kobanê bikewo, veng vejîyenê. Şarê kurdî û dostê kurdan ke xoverdayîşî esas gênê, ewro heme Kurdîstan û dinya de seba Kobanê payan ser o yê.
Serrgêra 11. ya Kobanî de, bi hîsanê coşan ma serkewtişê Kobanî reyna pêşwazî kenê û bi yew vengî, bi yew rengî ma reyna dîyar kenê; Kobanê nêkewte, qet nêkewena!”
