HSD’yî eşkera kerd kerd ke hukmatê Şamî adirbestî binpay keno û hêrişê xo yê vera Kobanî dewam kenê. HSD’yî veng da garantoranê adirbestî ke berpirsîyarîyanê xo bîyarê ca.
Merkezê Resnayîşî yê Hêzanê Sûrîya Demokratîke (HSD) binpaykerdişê adirbestî yê hetê grûbanê çete yê hukmatê Şamî ra yeno kerdene, eşkerayî daye.
Eşkerayî wina ya:
“Saete 02:00î ra grûbê girêdayeyê Şamî bi giranî hêrişê cepheyanê şaristanokê Xerab Îşkî û Çelebî yê başûrê rojhelatê şaristanê Kobanî kenê. Eynê wextî de taxê welatijan û derûdorê her di şaristanan bi obusan bi giranî topbaran kenê.
Rîyê nê hêrişan ra şerêko giran mabênê hêzanê ma û grûbanê hêrişkar de vejîya. Hêzê ma heta nê demî cewabê hêrişan danê û bi tayberî şaristanokê Çelebî de pirodayîşî dewam kenê. Eynê wextî de grûbê hêrişkarî teqwîyeyêka leşkerî ke tank û panzerêna ra yena pê, arda. Nê reyde zî teyareyê bêmerdim ê dewletan tirkan herême ser o gêrenê.
Nê hêrişî binpaykerdişêko eşkera yê adirbestî yo ke no 2 rojî yo ameyo îlankerdene. No mojneno ke Şam sozanê xo nêano ca û sîyasetê kaosê leşkerî û binvistê ewleyîya herême de dewam keno.
Hêzê ma hemverê hêrişan heqê pawitişê reewa şuxulnenê. Şan berpirsîyarê nê binpaykerdişan o û tesîrê ci yê merdimî û ewleyî yê. Ney ser o ra zî ma vengdanê hetanê garantor ê peymana adirbestî ke berpirsîyarîyanê xo bîyarê ca, bilez bikewê mîyanê têgêrayîşî, nê hêrişan vindarnê û kaoso domdarî rê sînorêk ronê.”
