Wezîra Perwerde û Entegrasyonî ya Swêdî Simona Mohamssone vat: “Cinîyê kurdî vera hêrişanê rejîmê cîhadistî xover danê. Ez şima reyde ya.”
Swêd de nerazîbîyayîşê vera hêrişanê çeteyanê DAIŞ, HTŞ û dewleta tirkan ê vera Rojava dewam kenê. Wezîra Perwerde û Serekê Pêroyî ya Partîya Lîberal a Swêdî Simona Mohamsson, hêrişê vera kurdan şermezar kerdê.
Simona Mohamsson, birnayîşê porê cinîya kurd ke ameybî kiştene, sey herişêkî vera rûmet û nasnameyê cinayan bi name kerd.
Simona Mohamsson, dîyar kerd ke kezî seba cinayanê kurdî sembolê rûmet, hêz û xoverdayîşî yo û vat ke nê semedî ra aye bi munitişê porê xo paştîdayîşê xo yê bi cinîyanê kurdî daye mojnayene.
Simona Mohamsson got, “Her cayo ke cinî seba heq û rûmetê xo şer kenê, ma sey Partîya Lîberal her wext kîşta şima de yê.
Ma şima vînenê û eşnawenê. Ma tu zulm û zorî yê vera bingeyê teda, nefret û neyartîya cinîyan qebûl nêkenê.
Simona Mohamsson bi sloganê “Jin, jiyan, azadî” mesajê xo temam kerd.
