Vejîya orte ke mîyanê resmanê ke bindestkewtena Hepsê Eqtanî yî ra dima ameyê parekerdene komêka çeteyanê HTŞ’î bi DAIŞijan ra hemkarîye kenê.
Hêrişê çeteyênê DAIŞ, HTŞ, SMO û Tirkiya vera Rojavayê Kurdistanî domyenê. Hepsê Eqtanî yê Reqaye de bi hezaran endamê DAIŞ’î amêne girewtene hetê çeteyan ra ame dorçarnayene.
HTŞ bi DAIŞ’î ra hemkarîye keno
Hezê Sûrîyeya Demokratîk (HSD) perêy Hepsa Eqtanî ra ancîyayî û restî Kobanê. Dima ancîyayîşê înan ra vejîya orte ke zaf rayan çeteyê DAIŞijî bi çeteyanê HTŞ’î ra pîya seba ke hepsî bifîyê xo dest tevger kerd o. No hal reyde bîn resmê ke ameyî parekerdenan de ame rastkerdene. Çeteyê DAIŞ’î hêrişanê teberê Hepsê Eqtanî de ca gênê û hêriş ra dima ke DAIŞijîke yenê veradayene mehla Dêwera ya Reqaye de beyraqa DAIŞ’î vaznenê ra. Bi parekerdena nê resman reyde bîn teklîyê DAIŞ’î û komanê çeteyanê ke girêdayî HTŞ’î yê eşkera bî.
