Rayberê Şarê Kurdî Abdullah Ocalan pêvînayîşo ke Komîsyonê Meclîsî de kerd bî îca de dîyar keno ke Sûrîye demokrasîya herêmî, komela sivîl û hêzê pawitene çin bê, Ahmed eş-Şara siba biagêro bibo dîktatorêk.
Qeydanê pêvînayîşê Komîsyonê Meclîsî û Rayberê Şarê Kurdî Abdullah Ocalanî de ercnayîşê muhimî yê Ocalanî ca gênê. Qeydande Ocalan bale anceno serê serçeteyê HTŞ ê Ahmed Şara û wina vano: “Ez eşkena bi HSD’î ra diyalog bidî ronayene. Bawerîya mi esta ke goş bidê serê mi. Ma yew het nê ewnenê meselayanê Sûrîye ra. Ganî Ahmet eş-Şara zî seba Sûrîyêka demokratîke zê HSD’î gamanê pozîtîfan bierzo. Ez henî bîlase behsê tarixe nêkena. Sûrîye de nijadperestîyêka girde yê Ereban est a. Îtade zê Kurdan ma heqanê Tirkmenan zî pawenîme.”
‘Çareserîyê demokrasî de ya’
Ocalanî seba çareserîya meseleyanê Sûrîye avêrberdena demokrasî de vîneno û wina vano: “Çareserîye bi xurtkerdena demokrasîyeka serê esasanê herême ya. Babeta esasîye awa ke zereyê nê konseptî (demokrasîyê herêmî) ma senîn pir bikime û kanûno bîngeyîn de ca bidim ci. Seba dewletê yewbîyayişo merkezî çiqas muhim o, demokrasîya herême zî handê muhîma û lazima. Yew nêbo yewa bîne zî nêbena. Bi Sûrîye de ganî serê nameyê asayîşî de yew hêza pawitene yê kurdan bibo.”
‘Şara mîyanê rojê de agêro dîktatoriye’
Serê nijadperestîya Ereb a Sûrîye Ocalan mînaka keyeyê Esadî nîşan dano û naye ano ziwan: “Nijadperestîya Ereb xurt a. Kerdenê keyeyê Esadî orte de rê. Eke şert û şurtê demokrasî nêrê ronayene Ahmed eş-Şara zî mîyanê rojê de agêro dîktatorîye. Eke demokrasîya herêmî û komelo sivîl çin bo, Esadêko newe vejîyo orte. Seba ke dîktatorêko newe nêvejîyo werte ez bi heme quveta xo xover dana.
