Gaxan ke adetêko qedîm ê komelê elewîyan o, qezaya Gimgimî ya Mûşî de zî ame fîraz kerdene. Erzaqê ke arê dîyayî, keyeyanê feqîran reyde ameyî pare kerdene.
Roşanê Gaxanî ke ameyîşê serra newîye reyde cografyaya kurdan û zafêrî zî kurdanê elewîyan de yeno fîraz kerdene û çîyo ke gaxane de ameyo topkerdene keyeyê ke durimê xo rind nîyo mabênê înan de ame parekerdene.
Goreyê xebera PÎRHA’yî qezaya Gimgimî ya Mûşî de zî bi çalakîya Gaxanî erzaqê ke ameyî arêdayene, keyeyanê hewcedaran reyde ameyî pare kerdene. Erzaqê ke ameyî arêdayene, bi baldarî paket bîyî û resayî 17 keyeyanê ke tengîya ekonomîke ancenê. Welatîyanê ke na çalakîye organîze kerda, da dîyarkerdene ke armanco bingehîn ê adetê Gaxanî paştîdayîş o.
