Bi pêşengîya MEBYA-DER’î, Stenbol û Mûş de programê vîrardişê şehîdanê Têgêrayîşê Azadîya Kurdîstanî yeno viraştene.
Bi pêşengîya MEBYA-DER’î, Stenbol û Mûş de seba endamanê Têgêrayîşê Azadîya Kurdîstanî yê ke ca û tarîxanê cîyayan de cuya xo ra bîyî, programê vîrardişî yeno viraştene.
Mûş
Bi pêşengîya MEBYA-DER’î, qezayanê Gimgim, Kop, Milazgîr û merkezê Mûşî de seba şehîdanê Têgêrayîşê Azadîya Kurdîstanî yê ke cuya xo ra bîyî vîrardiş yenê viraştene.
Vîrardiş, seba şehîdan deqîqeyêka rêzgirewtişî dest pêkerd. Vîrardişan de posterê Rayberê Şarê Kurdî Abdullah Ocalan û pankartê “Şehîdê ma rûmetê ma yê” ameyê daliqnayene.
Salonê vîrardişî de fotografê şehîdanê Têgêrayîşê Azadîye yê ke tarîx û cayanê cîyayan de cuya xo ra bîyî, masayan ser o ameyê ronayene. Xeylî welatijî tewrê vîrardişî bîyî. Kopî de zî xeylî kesî tewrê vîrardişî ke Taxa Cûmhûrîyetî de virazeno bîyî. Milazgirî de zî vîrardiş ame ronayene û bi zîyaretanê girseyî dewam keno.
Vîrardiş bi zîyaretan dewam keno.
Stenbol
Keyeyê şehîdan, Dayikanê Aştîye, aktîvîstanê TJA’yî, endam û temsîlkaranê partîyanê sîyasî, temsîlkaranê sazgehanê komelkî û xeylî welatijî tewrê programê vîrardişî benê. Esenyûrtî de vîrardiş bînaya DEM Partî de ame viraştene. Salonê vîrardişî de masayan ser o fotografê şehîdan, Rayberê Şarê Kurdî Abdullah Ocalan û qerenfîlî ameyê ronayene. Salone de pankartê “Şehîdî nêmirenê” ame daliqnayene.
Program, seba şehîdan bi deqîqeyêka rêzgirewtişî dest pêkerd.
Badê rêzgirewtişî keyeyê şehîdan qiseykerd û dîyar kerd ke dejê înan yew o û vat: “Ma bawer kenê ke, çîyo ke înan waşt do bêro caardene. Ganî ma mebermê. Şehîd şehîdê ma pêrune yê. Wexto ke têgêrayîş nêbi, nameyê kurdan nêbi. Ewro bi têgêrayîşî ma bîyî kurd. Hemrayîrê şehîdan prosesî ardi na aste, ganî ma wayîrê prosesî vejîyê.”
Badê qiseykerdişan sînevîzyonêk ke qala têkoşînê cangorîyan keno, ame temaşekerdene. Vîrardiş bi zîyaretan û wendena mewlûdî dewam keno.
