Îstanbul – Qezaya Bahçelîevler ya Îstanbulî de seba cangorîyê têkoşînê azadîya Kurdîstanî Ramazan Tanî programê vîrardişî ame viraştiş.
Bi pêşengîya Komeleya MEBYA-DER’î yê Îstanbulî qezaya Bahçelîevler de seba endamê Têgêrayîşê Azadîya Kurdîstanî Ramazan Tanî (Turçel) programê vîrardişî ame viraştiş. Ramazan Tan 1992î de ganê xo ra bîbî.
Keyeyê cangorîyan, temsîlkarê partîyanê sîyasîyan û xeylî kesî tewrê programî bîyî. Program de fotografê Rayberê Şarê Kurdî Abdullah Ocalanî û Ramazan Tanî masa ser o ameyî ronayîş; pankarta bi nuşteyê “Şehîdê ma rûmetê ma yê” ameye dardekerdiş û sloganê ‘Şehîdî nêmirenê’ û “Biciwîyo Serek Apo” ameyî berzkerdiş.
Seba vîrardişê cangorîyan deqeyêk rêzegirewtiş ame kerdiş û sînevîzyonêk seba vîrardişê cangorîyan ame temaşakerdiş. Dima Hemsereka DEM Partî ya Îstanbulî Arîfe Çinare qisey kerd. Arîfe Çinare dîyar kerd ke do têkoşînê xo tim dewam bikerê û wina vat: “Ma do serê nê erdî de demokrasî, azadî û seyyewbînî xo rê bigîrê esas. Şexsê embazê ma şehîd Ramazanî de ez verê heme şehîdanê Kurdîstanî de bejnê xo tewênena. Wa serê keyeyan û Rayberê Şarê Kurdî Abdullah Ocalanî weş bo.”
Program badê wendişê duayan qedîya.
