Dayîka Taybet Înan cayo ke ameybî qetilkerdene û cenazaya aye 7 rojî kuçe de mendbî, serrgêra 10. de ameyê yadkerdene.
Qezaya Silopyayî ya Şirnexî de Dayîka Taybet Înan ke 19ê kanûna 2015î de hetê hêzanê dewleta tirkan ra ameybî kiştene û cenazaya aye 7 rojî kuçe de amebi verdayene, cayo ke ameybî qetilkerdene, ameye yadkerdene. Rayber û endamê partîyanê sîyasî, sazgehê komelê demokratîk, keyeyê Dayîka Taybet Înan û xeylê welatijî beşdarê merasîmî yadkerdişî bîyê. Programê yadkerdişî de ewilî seba cangorîyanê azadîye deqeyêk rêze ameye girewtene.
Rêzegirewtişî ra pey Aktîvîstan TJA’yî Adalet Fîdan vat ke Dayîka Taybet û heme embazanê ke cuya xo vîndî kerda yad kenê û wina qisey kerd: “10 serrî vîyartê ke kuçeyê şaristanê ma kerddê kuçeyê şerî. Ma nê qirkerdişan tu wext xo vîr ra nêkenê û heta ke kiştoxê Dayîka Taybet bêrê muhakemekerdene, ma do dewaya înan taqîb bikerê.”
Dimayê qiseykerdişê Adalet Fîdan, kênaya Dayîka Taybet, Halîme Akin vat ke her dayîka ke ewro ameya dayîka aye yad kena, înan sey dayîka xo vînena û nê çîyî ra hêz gêna.
Qiseykerdişan ra pey keye û dayîkan cayo ke Dayîka Taybet ameybî qetilkerdene, qerenfîlî ronayê. Girseyo ke keyeyê Dayîka Taybet ra vejîya, demo ke waşt şêrê keyeyanê Ayşe Buruntekîn û Mele Hesen Sanir ke qedexeyanê vejîyayîşê teberî de ameybî qetilkerdene, rastê astengîya polîsan ameyê. Kaoso de ke vejîya polîsan dayîkî tehdît kerdê. Dima ra girse bi vatişê sloganê, “Şehîd namirin” rayra şi û şi keyeyî zîyaret kerdê.
Dima girse şi mezela kesan ser o ke qedexeyanê vejîyayîşê teberî de cuya xo vîndî kerda.
