Seba Gerîlayanê Azadîya Kurdîstanî yê ke şehadetê înan ame eşkerakerdene, zaf bajaran de merasimê yadkerdişî yenê viraştene. Yadkerdişan de sloganê “Bijî Serok Apo”, “Rêya te rêya me ye ey şehîd” û “Şehîd namirin” ameyî vatene.
Êlih de bi pêşengîya MEBYA-DERî programê yadkerdişî yê seba gerîlayanê HPG/YJA Starî yê ke şehîd bîyî, Keyeyê Tazîye yê 19 Gulane dest pêkerd.
Bê keyeyanê şehîdan temsîlkarê partîyanê sîyasî û rêxistinanê komelî û zaf welatîyî beşdar bîyî; posterê Rayber Apoyî û gerîlayanê şehîdan ameyî akerdene.
Ankara
Ankara de Platformê Dezgehanê Demokratîkan Rêxistina Wîlayetî ya DEM Partî de yadkerdiş viraşt. Salone de posterê Rayber Apoyî, fotografê şehîdan û pankartê “Şehîdên me rûmeta me ne” ameyî aliqnayene; yadkerdiş bi dua û rêzgirewtişî dest pêkerd û heta saete 17.00î dewam keno.
Colemêrg
Colemêrg de zî bi pêşengîya MEBYA-DERî yadkerdiş ame viraştene; bi hezaran kesî bi rayîrşîyayîşî her çar hetanê bajarî ra ameyî û sloganê “Şehîd namirin” vat. Salon de pankartê “Şehîdî vizêr, ewro û siba yê ma yê” û “Şehîd rêberên têkoşîna me ne” ameyî aliqnayene. Yadkerdiş heta siba dewam keno.
Semsûr
Semsûr de Keyeyê Tazîye yê Mehmet Erdemogluyî yê Taxa Karapinarî de bi hezaran welatîyî beşdarê yadkerdişî bîyî; marşê “Çerxa Şoreşê” ame wendene û bi nameyê MEBYA-DERî ame vatene: “Şehîdê ma ma reyde ciwîyenê. Seba caardişê xeyalanê înan ma têkoşînê xo gird kenê.”
Îzmîr
Îzmîr de bi pêşengîya EGE-MEBYADERî awanîya Komela Piştîdayîşî ya Pasûrijan a Bucayî de yadkerdiş ame viraştene; keyeyê şehîdan, Dayîkê Haştîye û wekîlê DEM Partî beşdar bîyî. Îdir de zî Keyeyê Tazîye yê Ozgurî de yadkerdişî bi rêzgirewtişî dest pêkerd. Wekîlê Îdirî yê DEM Partî Yilmaz Hunî vat: “Ewro ma şînê ê kesanê ke tarîxê kurdan nuşt, kenê. 50 serrî ra ver şarê kurdan bi talûkeya çinbîyayîşî reyde rî bi rî bî; ewro bi saya şehîdan kurdê her çar parçeyan xo dinya rê dayî şinasnayene. Êdî sereyê ma berz o. Ma do rayîrê înan de şêrê, vîrê înan têkoşînê ma rê roşnî dano.”
