Wan – Rojnameger Necmettîn Salaz mezelê ey ser o ame vîrardene.
Rojnameger Necmettîn Salaz 14ê teşrîna verêne 2023 de şaristanê Silêmanîye yê Herêma Federale ya Kurdîstanî de ganê xo ra bîbî. DFG û MKG’yî serrgêra 3. yê wefatê ey de Necmettîn Salaz mezelê ey ser o vîr ard. Vîrardiş Goristanê Akkopru yê Tûşba de ame viraştene û zaf kesî tewrê vîrardişî bîyî. Vîrardiş bi rêzegirewtiş dest pêkerd.
Vîrardiş de endamê DFG’yî Bazîd Evrenî qisey kerd û vat ke Çapemenîya Azade bi sayeyê şehîdanê xo payra ya. Birayê Necmettîn Salazî Kadrî Salazî zî behsê têkoşînê rojnamegerîye yê birayê xo kerd.
Hemsereka DEM Partî ya Wanî Gulşen Kurte zî wina vat: “Embaz Necmettînî serran seba şarê kurdan qelema xo şuxulnaye. Qelema embaz Necmettînî hetê xebatkaranê Çapemenîya Azade ra ameye hilgirewtene.” Vîrardiş bi sloganê “Şehîdî Nêmirenê” qedîya.
