Amed – Pankarta ke seba Festîvala Kultur Yolu ya Amedî ameybî hedrekerdene, bi bismaran sûranê tarîxîyan ê Amedî ra ameye dardekerdene. Nê sûrî Lîsteya Mîrasê Kulturî yê UNESCO’yî de yê.
Festîvala Kultur Yolu ya Amedî hetê Wezaretê Kultur û Turîzmî ra yena organîzekerdene. Pankartê festîvale Meydanê Şêx Seîdî de bi bismaran sûranê tarîxîyan ra ameye dardekerdene; nê sûrî Lîsteya Mîrasê Kulturî yê Dinya yê UNESCO’yî de yê. Seba pankarte 18 bismarî sûran de ameyê kutene.
Festîvale semedê ke hunermendê kulturê şaristanî nêanê, yena rexnekerdene; nika zî semedê ke zerar dana mîrasê kulturî bîye sebebê reaksîyonan.
