Polîsan serê sibayî eşt kanalê TELE1’î ser o û Mudirê Pêroyî yê Weşanî Merdan Yanardagî destbend kerd. Cigêrayîşê polîsan kanal de dewam keno.
Polîsan serê sibayî eşt kanalê TELE1’î ser o. Gokhan Kayiş ke kanal de programê ‘Pusulaya Sibayî’ pêşkêş kerdêne, weşano gandar de vat operasyon ameyo kerdene. Kayişî vat ke ekîbê TEM’î ameyê kanal û kanal de cigêrayîş kenê.
Yanardag ame destbendkerdene
Eynî demî de ame vatene ke Mudirê Pêroyî yê Weşanî Merdan Yanardag zî bi qerarê mehkema ameyo destbendkerdene, keye û ofîsê ci de polîsî ci gêrayîş kenî.
Derheqê operasyonî de Serdozgerîya Komare ya Stenbolî beyanat da û dîyar kerd ke Yanardag bi îdiaya ‘ajanîye’ ameyo destbendkerdene. Serdozgerî beyanatî de nosyonê ‘Rêxistina sucî ya Ekrem Îmamogluyî’ şuxulna û da zaneyene ke çarçeweya eynî îdiaya ‘ajanîye’ qerar ameyo dayene ke Ekrem Îmamoglu û Necatî Ozkan zî bîyarê serdozgerîye. Cipersayîş do bi hemkarîya MÎT û Mudirîya Emnîyetî ya Stenbolî reyde, pîya bêro hîrakerdene.
