• Kurmancî
  • Kirmanckî
  • |
  • Derheqê Ma De
  • |
[email protected]
Ajansa Welat
21 MIJDAR 2026
No Result
View All Result
  • ROJANE
  • CINÎ
  • EKONOMÎ
  • POLÎTÎKA
  • EKOLOJÎ
  • KOMEL
  • WEŞÎYE
  • DINYA
  • FORUM
  • HUQÛQ
  • KULTUR
  • SPOR
  • Heme Xeberî
  • ROJANE
  • CINÎ
  • EKONOMÎ
  • POLÎTÎKA
  • EKOLOJÎ
  • KOMEL
  • WEŞÎYE
  • DINYA
  • FORUM
  • HUQÛQ
  • KULTUR
  • SPOR
  • Heme Xeberî
No Result
View All Result
Ajansa Welat
No Result
View All Result

TJA: Dem demê şexsê Rayber Abdullah Ocalanî de pîya azadbîyayîşî yo

Merkezê Xeberan / AW

25 ÎLON 2025 - 13:50
Kategorî: KIRMANCKÎ - CINÎ, KIRMANCKÎ - MANŞET, KIRMANCKÎ - POLÎTÎKA
A A
TJA, derheqê rayîrşîyayîşo ke do Amed ra ver bi Anqara bi siloganê ‘Ma bi hêvî ver bi azadîye rayra şonê’ bêro kerdene ser o, Qonaxê Cemîl Paşa de eşkerayî daye.

TJA, do Amed ra ver bi Anqara bi siloganê ‘Ma bi hêvî ver bi azadîye rayra şonê’ bêro kerdene ser o eşkerayî daye. Eşkerayî Qonaxê Cemîl Paşa de ameye kerdene û Meclîsê Dayîkanê Aştî, aktîvîstê TJA’yî, hemşaredarê DEM Partî û xeylê cinî beşdarê eşkerayî bîyê.

Beyanat wina yo:

“Her gama ma mîrasê têkoşînê desan serran sey referansî gêna, hêvîye seba ma roşnî ya; azadî zî xala asoyî ya. Ma ewnîyenê asoyî ra û mil bi mil rayraşî, no rayîr do vengê lînganê dewaya tewr heqdarî bihesno. Vera polîtîkayanê înkar û asîmîlasyonî, ma sey cinîyan seba Rayberê Şaran Abdullah Ocalanî, ke seba şarê kurdî roşnîya hêvî yo, ma rayra şonî. Rayberê Şaran Abdullah Ocalan ke her firsend de veng dano çareserîya demokratîke ya meseleya kurdan, aktorê yegane yê çareserîye yo. Ma veng danî desthilatdarîye ra ke bi îxmalkerdişê huqûqê xo sîstemê tecrîdê Îmraliyî domnena, bi vilakerdişê wextî bêçareserîye ferz kena; Azadîya Rayberê Şaran Abdullah Ocalanî azadîya ma cinîyan û şaran a. Rayîrê çareserîya serê raştîye, bi temamî wedaritişê sîstemê tecrîdê Îmraliyî yo. Seba komelî demokratîkbîyayîş, azadîya Rayberê Şaran Abdullah Ocalanî ya. Raştkerdişê şertanê azadîya Rayberîya ma do rayîrê demokratîkbîyayîşî û aştîye akerî.

Seba Rojhelatê Mîyanênî ke hetê dewletanê neteweyîyan ra sey warê krîzî ameyo çarnayene û wazenê o war newe ra dîzayn bikerê, caardişê paradîgmaya ke Rayberê Şaran Abdullah Ocalanî pêşkêş kerda, taybetî seba cinîyan û neteweyanê bindestan ehemîyetêko cîwîyayîşî yo. Rayberê Şaran Abdullah Ocalan ke ganî bi rolê aktorê serekî biraso şertanê cuye û xebate yê azadan, aktorê tewr bingeyênî yo ke do aştîya daîmî ya Rojhelatê Mîyanênî zî bîyaro ca. Nê bingeyî ser o ma veng danî dewlete ra ke hewcedarîyanê edaletî bîyara ca.

Goreyê biranê îxlalî yê ke çarçeweya “heqê hêvî” de ameyê dayene, ganî Tirkîya qaydeyanê qanûnîyan ke do bedilnayîşanê bingeyênan bikerê, bîyara ca. Na çarçewa de zî ganî bi lezûbez mekanîzmayanê ke do azadîya Rayberê Şaran Abdullah Ocalanî bîyarê ca, awan bikera. Komîsyonê zafrengî ya “Demokrasî, Wayûbirayî û Neteweyîye” ke binê banê Meclîsî de ameyo awankerdiş, mîsyonê xo tena bi pêvînayîşê bi Rayberê Şaran Abdullah Ocalanî eşkena temam bikera. Çareserîya mesele de rolê Meclîsî girîng o. Muhatabê çareserîye tena Rayberê Şaran Abdullah Ocalan o. Ganî komîsyon bi Rayber Ocalanî reyde ke heme hewcedarîyê vengdayîşê 27ê Sibate ke bi hêvîye yena pawitene û mîyanê şarî de kelecan ca ardê, lezûbez pêvînayîş bikero.

Caardişê “heqê hêvî” do averşîyayîşê prosesî û rayîro ke şono aştî û azadîye, abikero. Heqê hêvîye êdî hewcedarîyêka cîwîyayîşî ya, waştişê çareserîye tena yê şarê kurdî nîyo; bi taybetî komelê Rojhelatê Mîyanênî û Tirkîya yê zafnasnameyî, zafkulturî û tewr verî de seba heme şaranê dinya bîyo waştişêko hempar. Nimûneyê ke Afrîkaya Başûrî heta Îrlanda, Amerîkaya Latîne heta erdnîgarîyanê cîyayan derg benê, mocnenê ma ra ke tu prosesê ke tede aktorê serekî azad nîyê, aştîya daîmî awan nêkerda, do nêkero zî. Seba naye komelê mîyanneteweyî zî na mesulîyetê “cuya bîne mûmkîn a” de luksa ci çin a ke bêveng bimano. Bêvengîye tena Kurdîstanî nê, la peynîya heme herême kena binê tehlûkeyî. Mîyanê perspektîfanê cinîyan ê wayîrê tebîetê gerdunî yê Rayberê Şaran Abdullah Ocalanî û têkoşînê cinîyan ê enternasyonalî de têkilîyê hêzdarî ameyê awankerdiş. Ma tîya ra veng danî cinîyanê heme şaran; veng danî paştîdayîşê bi têkoşînê azadî û aştîye yê cinîyanê kurdan û girdkerdişê têkoşînê hemparî.

Ma sey cinî, bi şaristanîya dewletdare binê zordestîya şer, feqîrî û zilmî de se serre vîndî kerde. Bi perspektîf û têkoşînê Rayberê Şaran Abdullah Ocalanî ke vano: “Meseleya cinîye sereyê heme meselan de ya”, ma dest bi cuyagerîyayîşê azadîye kerd. Ma azadîya xo azadîya komelê xo cîya nêkerde. Labelê ma zanenî ke azadîya ma zî tena bi azadîya Rayberê Şaran Abdullah Ocalanî mûmkîn a. Seba şarê kurdî ke meseleya estbîyayîşî vîyarnaya zî wext nika yo; dem demê komelê azadî de resayîşê rayberîya azade yo.

Şarê kurdî ke se serre yo destê jenosîdê kulturî de ciwîyeno, bi xoverdayîşî eşkayo estbîyayîşê xo bipawo; bi ziwanê xo, kulturê xo, îtiqadê xo wazeno ke sey hîmeyê bingeyênî yê komelêkê demokratîkî bêro şinasnayene, bingeyê edalet û seyyyewbînanî ser o wazeno. Welatêko ke heqê şarê kurdî binê pawitişê qanûnê bingeyênî de ameyê girewtene û îradeyê ci ameyo qebulkerdiş, heqê ci yê kolektîfî ameyê şinasnayene, do bibo prensîbê bingeyênî yê aştîya komelkî. No proses ganî prosesê qedînayîşê sîyasetê înkarî bo. Cinî, kurdî, elewî û heme şar û îtiqadê bindestî ke tarîx de vera înkarî bi xoverdayîşî cewab dayo, heta ke têkoşînê heqan bireso ewlehî, do têkoşînî pîl bikerê, xoverdayîşî bikerê berz. Rayna ma vanî; tehamulê ma cinîyan seba seserra bêhuqûqî û bêmewzuatî êdî çin o! Ganî lezûbez astengîyê vera heqanê ma bêrê wedaritene û binê ewlehîya qanûnê destûrî de bêrê girewtene.

Cinîyan, her dewranê tarîxî de barê tewr giranî yê şer, feqîrî û zordestîye girewto milê xo ser; goreyê naye zî bîyê kerdoxa tewr raybere ya aştîya komelkî ya demokratîke, azadîye û bedilîyayîşî. Ewro sey cinîyan ke waştişê aştîye û komelêkê demokratîkî kenî, erdnîgarîyêke de ke bi hawayê tewr giranî polîtîkayê bêçareserîye yê bi serran, tecrîd, înkar û zordestîye tede ciwîyeno, seba ke rayîrê ke şono aştîye û çareserîye, ma rayra şonî. Vengdayîşê “Aştîye û Komelê Demokratîkî” ke Rayberê Şaran Abdullah Ocalanî 27ê Sibate de kerd, ma bi kelecanêko gird pêşwazî kenî û beyan kenî ke ma do bi têkoşînê cinîyan ê organîzekerdeyî ke do nê vengdayîşî komelkî bikero, biresnî serkewtişî.

Seba no zî; 1ê teşrîna verêne ra hetanî 7ê teşrîna verêne, Amedî ra heta Anqara bi sloganê ‘Ma bi hêvî ver bi azadîye rayra şonî’ seba azadîya Rayberê Şaran Abdullah Ocalanî û vîyartişê astenganê vera heqanê ma yê kolektîfan ma rayra şonî. Amed ra dest pêkenî, game bi game şaristananê Riha, Dîlok, Edene, Mêrsîn û Anqara de azadîyêka komelkî awan kenî.

Goreyê ci:

Seba dewamkerdişê aştî, ganî azadîya fîzîkî ya Rayber Abdullah Ocalanî bi lezûbez bêra ca. Komîsyono ke mîyanê TBMM de ameyo awankerdiş û pêvînayîşê ci dewam kenê, ganî bi Rayber Ocalanî reyde teqez pêvînayîş bikero.

Seba ke estbîyayîş, nasname, kultur û ziwanê şarê kurdî bi azadî bîcîwîyo, ganî lezûbez gamê ke do ewleyîya destûrî bîyarê ca bêrê eştene. Ziwanê dayîke, kulturê ma û îtiqadê ma tewr verî de heme heqê ma yê kolektîfî ganî biresê qanûnê destûrî.

Destserronayîşê îradeyî ganî biqedîyo; ganî hemserekê ma yê ke bi îradeyê şarî bingeyê demokrasî ser o ameyê weçînayene, agêrê wezîfeyê xo ser, sîstemê hemserekîyîye ke temsîlê cinîye keno hêzdar, bi hawayo fermî bêro şinasnayene.

Ganî ziwan û polîtîkayanê desthilatdarîya camêrdî, zayendyetperest û mîlîtarîste fek bêro veradayene; ganî ziwanê hemparî yê aştîya komelkî bêro afernayene.

Peynî de ma vanî; nika demê pîya rayraşîyayîşî yo, şexsê Rayber Abdullah Ocalanî de pîya azadbîyayîşî yo. Ma zanenî ke; aştîye û komelê demokratîkî do bi cinîyan reyde bêro. Azadîye do ya ma hemînan bo. Komelê demokratîkî zî, cuya newîye zî ma cinîyî do awan bikerî.

CINÎ, CUYE, AZADÎ

BICIWO TÊKOŞÎNÊ MA YÊ CINÎYAN”

Tags: Abdullah OcalanAnqaraheqê hêvîyekirmanckîrayraşîyayîşTJAZazaki
ShareTweetSendShareShare

Nûçeyên Din

‘Armancê ma cinîya azade û komelo azad o’

‘Armancê ma cinîya azade û komelo azad o’

21 MIJDAR 2026
Heyetê Îmrali yê DEM Partî do şoro Îmrali

Heyetê Îmrali yê DEM Partî do şoro Îmrali

19 MIJDAR 2026
‘Ma do kuçe bi kuçe rêxistinbîyayîşê xo qewetin bikerê’

‘Ma do kuçe bi kuçe rêxistinbîyayîşê xo qewetin bikerê’

19 MIJDAR 2026
Bêrîvan Kûtlû li ser gora xwe hate bibîranîn

Bêrîvan Kûtlû gorê xo ser o ame yadkerdene

17 MIJDAR 2026
Kalkan: Dewlete eşkena bi rîbirîbîyayîşê Dêrsimî raştîya kurdan qebul bikera

Kalkan: Dewlete eşkena bi rîbirîbîyayîşê Dêrsimî raştîya kurdan qebul bikera

17 MIJDAR 2026
YCK-KURD: Amanc azadîya fîzîkî ya Rayber Apo û komelo demokratîk o

YCK-KURD: Amanc azadîya fîzîkî ya Rayber Apo û komelo demokratîk o

15 MIJDAR 2026

↗️ XEBERÊ KE ZAF AMEYÊ WENDIŞ

TOHAV’î avûkatê Kurdî yê ke ameyê qetilkerdiş vîr ardî

TOHAV’î avûkatê Kurdî yê ke ameyê qetilkerdiş vîr ardî

21 MIJDAR 2026
Aqûbeta cinîyanê ke ameyê kiştiş û vîndîkerdiş ame persayîş

Aqûbeta cinîyanê ke ameyê kiştiş û vîndîkerdiş ame persayîş

21 MIJDAR 2026
‘Ma do bi awankerdişê komîneyan nê prosesî de biresê serkewtiş’

‘Ma do bi awankerdişê komîneyan nê prosesî de biresê serkewtiş’

21 MIJDAR 2026
Hesekê de ciwanêk bi gulleyanê eskeranê Tirkan ame kiştiş

Çalakîya KHK’yî: ‘Polîtîkaya îxracî hêrişêko vera keda cinîyan a’

21 MIJDAR 2026
Girewteya neweşe Newroz Bozkurte vaznaya ra neweşxane!

Muracatê peydeştişê înfazî yê seba Newroz Bozkurte bê cewab mend

21 MIJDAR 2026

ARŞÎV

  • MIJDAR 2026 (294)
  • COTMEH 2026 (357)
  • ÎLON 2026 (274)
  • TEBAX 2026 (308)
  • TÎRMEH 2026 (406)
  • HEZÎRAN 2026 (336)
  • GULAN 2026 (327)
  • NÎSAN 2026 (349)
  • ADAR 2026 (422)
  • SIBAT 2026 (387)
  • ÇILE 2026 (540)
  • KANÛN 2025 (254)
  • MIJDAR 2025 (226)
  • COTMEH 2025 (209)
  • ÎLON 2025 (232)
  • TEBAX 2025 (210)
  • TÎRMEH 2025 (299)
  • HEZÎRAN 2025 (257)
  • GULAN 2025 (334)
  • NÎSAN 2025 (265)
  • ADAR 2025 (317)
  • SIBAT 2025 (317)
  • ÇILE 2025 (298)
  • KANÛN 2024 (293)

Ajansa Welat, bi xeberanê xusûsîyan, dosya, cigêrayîş, dîmen û vengan komelî agahdar û roşnî kena.

Bi şîarê agahîyanê raşt û objektîfan weşanî esas gêna, serê şopa heqîqetî de agahîyan vila kena.

Ajansa Welat bi xeber û tedeyanê xo bena veng û rengê welatî.

Xwediyê Îmtîyazê: Fahrettin Kılıç

Berpirsiyarê Karên Nivîsan: Mahmut Altıntaş

Navnîşan: Fırat Mahallesi, 553. Sokak, Tanlar Şehri Teras Evleri, B Blok,
Kat: 5 - No: 40, Kayapınar, Diyarbakır

Telefon: +90 (532) 519 37 73

E-mail: [email protected]
Malper: www.ajansawelat1.com
Twitter Youtube Instagram Whatsapp
  • Serrûpel
  • Têkilî
  • Derbarê Me De

© 2024 Ajansa Welat ● Yekemîn Ajansa xwerû Kurdî ● Hemû maf parastî ne

No Result
View All Result
  • HEME XEBERÎ
  • ROJANE
  • CINÎ
  • EKONOMÎ
  • POLÎTÎKA
  • EKOLOJÎ
  • KOMEL
  • WEŞÎYE
  • DINYA
  • FORUM
  • HUQÛQ
  • KULTUR
  • SPOR
  • KURMANCÎ

© 2024 Ajansa Welat ● Yekemîn Ajansa xwerû Kurdî ● Hemû maf parastî ne