Hemverfekê Komîsyonê Huquq û Heqê Merdiman ê DEM Partîye Ozturk Turkdogan ard ziwan ke seba heqê hêvîye pê bêro, TBMM û desthilata sîyasî wa wezîfeya xo bi ca bîyarê û va: “Wa heqê hêvîye bi lezûbez bêro ca ardene.”
Komîsyonê Huquq û Heqê Merdiman ê DEM Partîye, derheqê qerarê Komîteya Wezaretan a Ewropayî ya “Heqê Hêvîye” de beyanat da. Hemverfekê Komîsyonê Huquq û Heqê Merdiman ê DEM Partîye Ozturk Turkdogan eşkera kerd ke 11 serrî ke ser qerarê komîteye de derbas bîyo zî, hetê Tirkîya tu game nêameya eştene û Rayberê Şarê Kurdî Abdullah Ocalan û bi hezaran kes coka tesîr dîyenê û veng Komîteya Ewropayî kerd ke vera Tirkîya de prosedorê îxlalî bido xebitnayene.
‘Wa pêşnîyarê qanûnî bikewê merîyetî’
Ozturk Turkdogan destnîşan kerd ke seba caardişê heqê hêvîye bedilnayîşê qanûnî yê lazimî pê bêrê û wina dergî da qiseyê xo: “Wa Komîsyonê Yewîye, Wayûbirayî û Demokrasî ya Neteweyî ya TBMM’î, bi lezûbez bi Birêz Ocalan ra pêvînayîş bikero û seba caardişê heqê hêvîye, qanûnê Entegresyonê Demokratîkan nîqaş bikero. Heta ke heqê hêvîye ca bêro, wa heme heqê Birêz Ocalan ê ke qanûnê îcrayî yenê, bi temamî bêrê bicaardene. Serdayîşê Îmraliyî yê parlamenter, rojnameger, akademîsyen, STK û rayberê raya pêroyî zêde bibê.”
