TJA û hemserekê pêroyî yê DEM Partî û DBP’yî bi munasebetê serrgêra qetilkerdişê Jîna Emînî yê 3. eşkerayî daye û vat ke felsefeyê “Cinî Cuye Azadîye / Jin Jîyan Azadî” bi xoverdayîşêko global.
Têgêrayîşê Cinîyanê Azadan, Hemsereka Pêroyî ya DBP’yî Çîgdem Kiliçgun Uçar, Hemsereka Pêroyî ya DEM Partî Tulay Hatîmogullari bi munasebetê serrgêra qetilkerdişê Jîna Emînî yê 3. yê eşkerayî daye.
Çîgdem Kılıçgun Uçar: Heme rejîmê zordarî do hemverê xo de Jîna’yan bivînê
Hemsereka Pêroyî ya DBP’yî Çîgdem Kiliçgun Uçar nê çîyî vatî: “Her rejîmêko zordar ke azadîya cinîyan keno hedef, do hemverê xo de Jîna’yan bivînê. Têkoşînê piştîdaye yê cinîyan do hem Îran û hem zî serasnerê Rojhelatê Mîyanên de sîstemê îqtîdar ê camêrdan binfîno. Têkoşînê Jîna yê azadîye, seba ma pêşengî keno.”
Tulay Hatîmogûlları: Xoverdayîşî sînorî derbas kerdî
Hemsereka Pêroyî ya DEM Partî Tulay Hatîmogullari zî hesabê xo yê medyaya dîjîtale ser o wina vat: “Xoverdayîşo ke bi porê Jîna dest pêkerd vera rejîmê meleyan pêroyê sînoran derbas kerd. Silamî seba cinîyanê ke seba azadîye vengê xo berz kenê.”
TJA: Cinî Cuye Azadîye bedilîya, bi serewedaritiş
Têgêrayîşê Cinîyanê Azadan (TJA) dîyar kerd ke felsefeyê “Cinî Cuye Azadîye / Jin Jîyan Azadî” seba cinîyan bedilîya bi sloganêkê global û vat ke, “cinîyan vera rejîmê meleyan vengê azadîye kuçeyan de berz kerd. Têkoşînê cinî yê vera feodalîzm û kapîtalîzm bi çalakî û pêşengîya cinîyanê rêxistinkerde yê kurdan de bi sloganê ‘Cinî Cuye Azadîye / Jin Jîyan Azadî’ xo îspat keno.” TJA’yî dewamî de dîyar kerd ke no têkoşîn seba cinîyan cografyayêka hîra Îran ra heta Hîndîstan, Efxanîstan û Pakîstanîi bîyo çimeyê îlhamî.
