Wayîra Xelata Aştî ya Nobelî Jody Williams va, “Ganî Tirkîya şert û mercê ke Abdullah Ocalanî prosesê dayîşûgirewtişî de ca bigîro, awan bikera.”
24ê Temmuze de 88 wayîrê Xelata Nobelî mektubêke destekdayîşê semedê “Vengdayîşê Aştî û Komelê Demokratîkî” yê Rayberê Şarê Kurdî Abdullah Ocalanî weşanana. Mektube de 88 wayîrê Xelata Nobelî wareyê cîya sazgehê mîyanneteweyî û Serekkomarê Tirkîya rê xîtab kerdî, destekdayîşê xo yê semedê vengdayîşê Abdullah Ocalanî îfade kerd.
Îmzekaran dîyar kerdî ke vengdayîşê Abdullah Ocalanî yê semedê aştî û demokrasî Tirkîya de, demêko pêrodayîş çar hetê dinya de xidar benê, semedê şarê herême roşnayîyêke hêvî yê.
Wayîrê Xelata Aştîye ya Nobelî Jody Williams sebebê îmzakerdişê mektube û prosesî ser o qisey kerd.
‘Ocalan mîyanê hewldayîşêk cidî de yo’
Jody Williams dîyar kerd ke înan mektubêke semedê aştîye xeylêk sazgehê mîyanneteweyî rê şirawitê. Jody Williams va, “Wayîrê Xelata Nobelî ke mektube şirawitî, waştî heqê Ocalanî bipawê û destek bidê hewldayîşê semedê caardişê aştîye yê mabêne Tirkîya û kurdan de. Bi xo, mi nê mektuban îmza kerd ke semedo ke ez bawer kena Ocalan hewldayîşêk cidî dayîne ke pêrodayîşê bi serran o mîyanê Tirkîya û kurdan de peynî bikero.”
‘Ganî beşdarîyê temamî yê Ocalanî prosesî de bêro qetîkerdiş’
Jody Williams dîyar kerd ke tecrîdo dewam, semedê her di hetan îmkanê têduştî peyda nêkeno. Jody Williams va, “Semedo ke vengdayîşê Ocalanî bibo rastî, ganî hukmatê Tirkîya şert û mercê ke Ocalan bieşko bi temamî beşdarê dayîşûgirewtişê aştîye bibo, peyda bikero. Tecrîdê Ocalanî yê Zîndanê Îmrali û redkerdişê pêvînayîşê avûkatanê Ocalanî nê şertan pê nêanê.”
‘Şirîkê vurnayîşê bê’
Jody Williams tewr peyîn wina va: “Ez fikrîyena ke girewtoxê wayîrê Xelata Nobelî eşkenê bibê hetkar ke ferqêk virazîyo, la ma mûcîzekar nîyê. Pêwa kesê bînî yê ke bi rastî wazenê vurnayîşêk pozîtîf dinya de bivînê, ma eşkenê prosesê vurnayîşî de şirîkê yewbînan bê. Bi rastî, her ke hukmat û ûsn. prosesêk de beşdar bibê, eşkenê hende têmîyan bikerê. La gama ke ê kesê beşdar bi rastî vurnayîş wazenê û her çî mimkun o.”
