Wan de wareyê cinîyan ke ci de destek danê yewbînan û azad ê Merkezê Cuye yê Cinîyan ê Şamîramî yeno padayîş.
Îdareyê qeyûmî ke 15ê sibata 2025ine de semedê Şaredarîya Bajarê Girdî ya Wanî ame tayînkerdiş, pratîkê xo yê ke deskewtişê cinîyan hedef gênê, caardişêk newe zêde kerd. Sey gamêke peyîn, Merkezê Cuya Cinîyan ê Şamîran ke 19 teşrîna verêne 2024ine de bi hemkarîya Şaredarîya Artemêtî û Daîreyê Polîtîkayê Cinîyan ê Şaredarîya Şaristanê Girdî ya Wanî amebî akerdiş, yeno waştiş ke bêro padayîş.
Hetkara Sekretera Pêroyî ya Şaredarîya Şaristanê Girdî ya Wanî Selma Bîçek ke nuşteyêk fermî Şaredarîya Artemêtî rê şirawit û waştişê padayîşê merkezî kerd ke no merkez sey destekdayîşê cayê cinîyan, perwerde û çalakîyê komelî yeno şuxilnayîş, bi nuşte dîyar kerd ke merkez do heta 1ê êlula 2025ine bêro vengkerdiş û “do dergkerdişêk nêbo”.
Îdareyê qeyûmî ke demo ke dest bi kar kerdo heta nika bi hawayêko sîstematîk projeyê cinîyan tasfîye keno. Bi desan cinîyê ke nê projeyan ra feyde girewtê, înan kerdo mexdûr.
Projeyê ke 15 sibate ra nata ame vindarnayîş yan zî padayîş wina yê:
*JİNKART: No karto ke caardişê komresî yê bêpere semedê cinîyan îmkan dayîne, îptal kerd.
*Kartê Destekê Komelî: Semedê destekdayîşê ekonomî yê cinîyanê feqîran ame vindarnayîş.
*Kitabxaneyê Cinîyan ê Jinî: Kitabxaneyo ke 27 çile de abi, padayî û kerdî “keştîya protokolî”, tabela û nuşte ame wedaritiş.
*Merkezê Cigêrayîş û Kitabxaneyê Eserê Cinîyan: Ame padayîş û vera ci ADEM (Merkezê Destekê Keyeyî) ame plankerdiş.
*Yewîneya Têkoşînê Şîdetî yê Hemverê Cinîyan: Xeta, Alo Şiddet padayî, dewrê ŞONÎM’î yê xizmetî kerdî.
*Kooperatîfê Zîyanê Cinîyan û Atolyeyî: Taxa Bardakçi ya dewa cinîyan, projeyê zîyanî û atolyeyê berardişî vindarnayî.
*Atolyeyê Kîlîmî û Sîmî: Padayî, malzemeyê atolye berdîyayî.
Rêxistinê cinîyan û temsîlkarê komelê sivîlî qetî kenê ke nê caardişî benê sebebê “dûrvistişê cinîyan cuya pêroyî û astengkerdişê xoserîya înan a ekonomî”.
