Serekê Pêroyî yê CHP’î banê merkezî yê partîya xo de kombîyayîşê agahîdayene viraşt. Ozelî qiseyê xo de hukmatê AKP’î hedef girewt û heqê Mucahît Bîrîncî de zî belgeyan weşan kerd. Dima zî heqê Bîrîncî de cipersayîş ame akerdene.
Serekê Pêroyî yê CHP’î banê merkezî yê partîya xo de vera çapemenî vejîya û kombîyayîşê agahîdayene viraşt. Ozelî demê qiseyê xo de hukmatê AKP’î sucdar kerd, yew bi yew belgeyan eşkera kerd.
Ozgur Ozel wina va: “AKP’ij Mucahît Bîrîncî, şono hetê Murat Kapkî ke çarçiweya cipersayîşî Şaredarîya Girdî ya Stenbolî de yeno dariznayene. Bîrîncî verê Kapkî ra belgeyêkî roneno û vano; no belge îmze bikerî û 2 mîlyonî pere bidê ma. No nêzdîbîyayîşê înan zî, heme îdiayê înan ê vera Ekrem Îmamogluyî vila vejeno. Organîzasyonê înan ê zûrî heme dinya temaşe keno. Ez Yilmaz Tunçî rê veng dana û vana ke newe ra seba cipersayîşî ekîbêk awan bikerî.”
Heqê Bîrîncî de cipersayîş abi
Dima eşkerayê Ozgur Ozelî heqê Mucahît Bîrîncî de Serdozgerîya Komara Stenbolî cipersayîş akerd.
Babete ser o Wezaretê Adaletî Yilmaz Tunç zî vera îdiayê Ozgur Ozelî bertek nîşanî da û va ke armancê înan zûr û dezenfermasyon o.
